ഹൈദ്രാബാദ് : ബംഗാള് ഉള്ക്കടലില് രൂപപ്പെട്ട മന്ഥ ചുഴലിക്കാറ്റ് കരതൊട്ടു. ആന്ധ്രാപ്രദേശിലെ മച്ചിലിപട്ടണത്തിനും കലിംഗപട്ടിണത്തിനും ഇടയില് ചുഴലിക്കാറ്റ് വീശിയടിക്കുകയാണ്. മണിക്കൂറില് ഏകദേശം 110 കിലോമീറ്റര് വരെ വേഗത്തിലാവും ആദ്യ മണിക്കൂറില് ചുഴലിക്കാറ്റ് വീശിയടിക്കുക എന്നാണ് മുന്നറിയിപ്പ്.
ആന്ധ്രയിലും തെക്കന് ഒഡിഷ തീരത്തും അതീവ ജാഗ്രതയാണ്. തമിഴ്നാട്ടിലെ തീരദേശ ജില്ലകളിലും ജാഗ്രതാ നിര്ദ്ദേശമുണ്ട്. ആന്ധ്രയിലെ 17 ജില്ലകളില് നിന്നും പതിനായിരക്കണക്കിന് ആളുകളെ സുരക്ഷിത കേന്ദ്രങ്ങളിലേക്ക് മാറ്റി. നിരവധി ട്രെയിന്- വിമാന സര്വീസുകള് റദ്ദാക്കി.ചുഴലിക്കാറ്റ് കടന്നുപോകുന്ന ജില്ലകളില് ബുധനാഴ്ച രാവിലെ 6:30 വരെ ഗതാഗതം നിരോധിച്ചു.
