പട്ന : ബീഹാർ കഴിഞ്ഞാൽ യുപിയിലും , ബംഗാളിലും ബിജെപിയെ തകർക്കുമെന്ന് വെല്ലുവിളിച്ച് തേജസ്വി യാദവ് . കൊച്ചധാമൻ നിയമസഭാ മണ്ഡലത്തിലെ ആൾട്ടയിൽ നടന്ന തിരഞ്ഞെടുപ്പ് റാലിയെ അഭിസംബോധന ചെയ്ത് സംസാരിക്കുകയായിരുന്നു തേജസ്വി യാദവ് . കഴിഞ്ഞ ദിവസം ബീഹാറിൽ താൻ അധികാരത്തിൽ വന്നാൽ വഖഫ് നിയമം ചവറ്റുകൊട്ടയിൽ എറിയുമെന്നും തേജസ്വി പറഞ്ഞിരുന്നു.
‘ ഞങ്ങളുടെ പിതാവ് ലാലു പ്രസാദ് യാദവ് എൽ കെ അദ്വാനിയെ അറസ്റ്റ് ചെയ്തു. ഞാൻ അദ്ദേഹത്തിന്റെ മകനാണ്, അമിത് ഷായുടെ ഭീഷണികൾക്ക് ഞാൻ ഭയപ്പെടില്ല. ലാലു പ്രസാദ് യാദവ് ബിജെപിക്കും ആർഎസ്എസിനുമെതിരെ ഇന്ന് മാത്രമല്ല, വർഷങ്ങളായി പോരാടുന്നുണ്ട്. . ശ്രീരാമ ക്ഷേത്ര സമരത്തിനിടെ മുതിർന്ന ബിജെപി നേതാവ് ലാൽ കൃഷ്ണ അദ്വാനിയെ ലാലു പ്രസാദ് യാദവ് അറസ്റ്റ് ചെയ്തിരുന്നു.
അമിത് ഷാ ബീഹാറിൽ വന്ന് തേജസ്വി യാദവിനെ വെറുതെ വിടില്ലെന്ന് ഭീഷണിപ്പെടുത്തുന്നു . എന്നാൽ അമിത് ഷായുടെ ബോസിന്റെ ഭീഷണികൾക്ക് എന്റെ അച്ഛൻ ഭയപ്പെട്ടില്ലെങ്കിൽ, മകന് എങ്ങനെ അവരെ ഭയപ്പെടാൻ കഴിയും?- തേജസ്വി പറഞ്ഞു.
