തിരുവനന്തപുരം: സംസ്ഥാനത്ത് ദേശീയ വിദ്യാഭ്യാസനയം നടപ്പാക്കാന് അനുവദിക്കില്ലെന്ന് സിപിഐ സംസ്ഥാന കൗണ്സിലില് വ്യക്തമാക്കിയ ബിനോയ് വിശ്വം വെട്ടിലായി. പാര്ട്ടിയെ അവഗണിച്ച് പി.എം ശ്രീ പദ്ധതി നടപ്പാക്കുന്നത് സംസ്ഥാന സെക്രട്ടറിയുടെ കഴിവുകേടാണെന്ന കടുത്ത വിമര്ശനമാണ് സിപിഐയില് ഉയരുന്നത്. അടിമകളെപ്പോലെ ഇങ്ങനെ ഇടതു മുന്നണിയില് തുടരുന്നതില് എന്തര്ത്ഥമെന്നാണ് പിന്നിരനേതൃത്വം ആരായുന്നത്. തദ്ദേശ തിരഞ്ഞെടുപ്പ് അടുത്ത സാഹചര്യത്തില് അണികളോട് ഇക്കാര്യം എങ്ങിനെ വിശദീകരിക്കുമെന്നത് പാര്ട്ടി നേരിടുന്ന വലിയ പ്രതിസന്ധിയാണ്. പ്രകാശ് ബാബു, ഇസ്മായില് വിഭാഗങ്ങള് ഈ അവസരം മുതലെടുത്ത് ബിനോയ് വിശ്വത്തിനെതിരെ പടയൊരുക്കത്തിലാണ്. മുന്നണിയില് പാര്ട്ടി ഒറ്റപ്പെടുന്നത് ഇതാദ്യമല്ലെന്ന് അവര് ചൂണ്ടിക്കാട്ടുന്നു. തൃശൂര് പൂരം, സ്വകാര്യ മദ്യക്കമ്പനിക്ക് അനുമതി തുടങ്ങിയ വിഷയങ്ങളിലടക്കം പാര്ട്ടി നാണം കെട്ടു.
‘എന്ത് സിപിഐ’ എന്ന എം.വി.ഗോവിന്ദന്റെ പരിഹാസം പാര്ട്ടിയുടെ നെഞ്ചിലാണ് തറച്ചത്. മുന്നണിയിലെ തിരുത്തല് ശക്തിയെന്നൊക്കെ അഭിമാനിച്ചിരുന്ന സിപി ഐ നേതൃത്വത്തിന് അതോടെ വായടഞ്ഞുപോയി. ഇനിയെന്ത് എന്നത് സിപി ഐ നേരിടുന്ന വലിയ രാഷ്ട്രീയ പ്രതിസന്ധിയാണ്.
