കണ്ണൂര് : കെ-റെയില് പദ്ധതി വരുമെന്ന് സിപിഎം സംസ്ഥാന സെക്രട്ടി എംവി ഗോവിന്ദന്. കെ റെയില് പുതിയ മാര്ഗത്തിലേക്ക് മാറേണ്ടിവരുമെന്നും കേന്ദ്ര അംഗീകാരം ലഭിക്കാത്ത സാഹചര്യത്തിലാണ് മാറ്റം ആവശ്യമായിരിക്കുന്നതെന്നും എംവി ഗോവിന്ദന് പറഞ്ഞു. തളിപ്പറമ്പില് മാധ്യമങ്ങളോട് സംസാരിക്കുകയായിരുന്നു എംവി ഗോവിന്ദന് .
‘ പദ്ധതിക്ക് പണം തടസമല്ല. കേന്ദ്ര അംഗീകാരം മാത്രമായിരുന്നു വിഷയം . കേരളത്തിന്റെ അര നൂറ്റാണ്ട് മുന്നില് കണ്ടുളള വികസന പദ്ധതിയായിരുന്നു കെ റെയില് .‘ എന്നും എം വി ഗോവിന്ദൻ പറഞ്ഞു.
ഇക്കഴിഞ്ഞ മാർച്ചിൽ മെട്രോ മാൻ എന്നറിയപ്പെടുന്ന ഇ ശ്രീധരൻ റെയിൽവേയ്ക്ക് സമർപ്പിച്ച പദ്ധതിയെ അംഗീകരിക്കുന്നതാണ് എംവി ഗോവിന്ദന്റെ പ്രസ്താവന.
