പാരീസ്: ഫ്രാന്സിലെ ലോക പ്രശസ്തമായ ലൂവ്രെ മ്യൂസിയത്തില് പട്ടാപ്പകല് നടന്ന കവര്ച്ചയില് നെപ്പോളിയന്റെയും ചക്രവര്ത്തിനിയുടെയും ആഭരണശേഖരത്തിന്റെ ഒരു ഭാഗം നഷ്ടമായി.
ഞായറാഴ്ച രാവിലെ ബാസ്ക്കറ്റ് ലിഫ്റ്റ് വഴി അകത്തുകടന്ന മോഷ്ടാക്കള് കേവലം ഏഴ് മിനിറ്റ് കൊണ്ട് അപ്പോളോ ഗാലറിയില് സൂക്ഷിച്ചിരുന്ന ആഭരണ ശേഖരം എടുത്തുകൊണ്ടുപോയതായി ആഭ്യന്തര മന്ത്രി ലോറന്റ് നുനെസ് സ്ഥിരീകരിച്ചു.സംഭവത്തെത്തുടര്ന്ന്, മ്യൂസിയം അടച്ചിടുകയും അന്വേഷണം ആരംഭിക്കുകയും ചെയ്തു.
രാവിലെയാണ് ലൂവ്രെ മ്യൂസിയം പൊതുജനങ്ങള്ക്കായി തുറന്നു കൊടുത്തത്. അതിനിടെയാണ് ഫ്രാന്സിനെ ഞെട്ടിച്ച കവര്ച്ച അരങ്ങേറിയത്.
നെപ്പോളിയന്ചക്രവര്ത്തിയുടെയും യൂജിനി ചക്രവര്ത്തിനിയുടെയും ആഭരണ ശേഖരത്തില് നിന്നുള്ള ഒമ്പത് ആഭരണങ്ങളാണ് നഷ്ടമായത്.
വിപണി മൂല്യത്തിനപ്പുറം, ഈ വസ്തുക്കള്ക്ക് വിലമതിക്കാനാവാത്ത ചരിത്രപരവുമായ മൂല്യമുണ്ട്.
ലോകത്ത് ഏറ്റവുമധികം ആളുകള് സന്ദര്ശിക്കുന്ന ലൂവ്രെ മ്യൂസിയത്തിലാണ് ലിയോനാര്ഡോ ഡാവിഞ്ചിയുടെ മോണലിസ സൂക്ഷിക്കുന്നത് .
‘മോണലിസ’യിലൂടെ പ്രശസ്തമായ ഫ്രാന്സിലെ ലൂവ്രെ മ്യൂസിയത്തില് പട്ടാപ്പകല് വന്കവര്ച്ച: നെപ്പോളിയന്റെ ആഭരണശേഖരം നഷ്ടമായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.