തിരുവനന്തപുരം: ഹിജാബ് വിഷയത്തില് പ്രസ്താവനകളിലൂടെ വാര്ത്തകളില് നിറഞ്ഞുനില്ക്കുന്ന മന്ത്രി വി ശിവന്കുട്ടിയുടെ കാര്മ്മികത്വത്തില് നടന്ന ഒരു കല്യാണച്ചടങ്ങാണ് ഇപ്പോള് ചര്ച്ചയാകുന്നത്. സിപിഐ(എം) തിരുവനന്തപുരം ജില്ലാ സെക്രട്ടറിയേറ്റ് അംഗം പുഷ്പലതയുടെയും സജിയുടെയും മകന് അമലും ഇബ്രാഹിം.സിയുടെയും ആരിഫ.പിയുടെയും മകള് ഡോ. അഫീഫ തസ്നീമയും തമ്മിലുളള വിവാഹ രജിസ്ട്രേഷന് ചടങ്ങാണ് രാഷ്ട്രീയ ചര്ച്ചകള്ക്ക് തുടക്കമായത്.
തിരുവനന്തപുരം സബ് രജിസ്ട്രാര് ഓഫീസില് നടന്ന ചടങ്ങില് വധു ഹിജാബ് ധരിച്ചാണ് എത്തിയത്. പാര്ട്ടി നേതാക്കളും മന്ത്രി ശിവന്കുട്ടിയും സാന്നിധ്യത്തിലുണ്ടായിരുന്ന ചടങ്ങ്, ഇടതുപക്ഷം പൊതു വേദികളില് സ്വീകരിച്ചിട്ടുള്ള മതചിഹ്നവിരുദ്ധ നിലപാടുകളുമായി താരതമ്യം ചെയ്യുമ്പോള് പ്രകടമായ അന്തര്വിരോധം വെളിവാക്കുകയാണ്.
പൊതു വേദികളില് മതാചാരങ്ങളെ വിമര്ശിച്ച് രാഷ്ട്രീയ നേട്ടങ്ങള് കൊയ്യുന്നവര് സ്വന്തം വീടുകളില് അതേ മതചിഹ്നം അഭിമാനത്തോടെ സ്വീകരിക്കുന്നതിലൂടെ, ഇടതുപക്ഷ രാഷ്ട്രീയത്തിന്റെ കപടത്വം തന്നെ പുറത്തു കാണിക്കുന്നുവെന്നാണ് വിമര്ശനം.
‘ഹിജാബ് വിഷയത്തില് പെണ്കുട്ടിക്ക് അനുകൂലമായ നിലപാട് എടുത്തപ്പോള് അണ്ണന്റെ മനസ്സിലിതായിരുന്നു എന്ന് അറിയില്ലായിരുന്നു. നമ്മള് മനസ്സില് കാണുന്നത് അണ്ണന് മാനത്ത് കാണും,’ എന്ന് എഴുത്തുകാരന് ഭാസ്ക്കരന് നായര് അജയന് ഫേസ്ബുക്കില് കുറിച്ചു.
ഇടതുപക്ഷത്തിന്റെ ഈ ഇരട്ടനയം രാഷ്ട്രീയ പ്രതിബദ്ധതയുടെ വിശ്വാസ്യതയെ ചോദ്യം ചെയ്യുന്നതിനൊപ്പം, പൊതു രാഷ്ട്രീയബോധത്തിന്റെ ഇടിവിനെയും വെളിവാക്കുന്നതാണ്
