തൃശൂര്: വധശ്രമ കേസിലെ പ്രതിക്ക് വിദേശത്തേക്ക് കടക്കുന്നതിന് സഹായം ചെയ്ത ആള് അറസ്റ്റില്. അണ്ടത്തോട് ബീച്ച് റോഡില് കൊപ്പര വീട്ടില് മുജീബ് റഹ്മാന് (52) നെയാണ് വടക്കേക്കാട് പൊലീസ് അറസ്റ്റ് ചെയ്തത്. സെപ്തംബര് നാലിന് രാത്രി മന്ദലാംകുന്ന് സെന്ററില് യുവാവിന് കുത്തേറ്റ സംഭവത്തില് മൂന്ന് പേര്ക്കെതിരെ വടക്കേക്കാട് പൊലീസ് വധശ്രമത്തിന് കേസെടുത്തിരുന്നു.
സംഭവ ശേഷം പ്രതികള് ഒളിവില് പോയി. ഈ കേസിലെ രണ്ടാം പ്രതി മന്ദലാംകുന്ന് സ്വദേശി മജീദിന് ഒളിവില് പോകാന് ടിക്കറ്റ് എടുത്ത് നല്കി ബാംഗ്ലൂര് വഴി ഖത്തറിലേക്ക് പോകുന്നതിനുള്ള സഹായം ചെയ്ത സംഭവത്തിലാണ് കേസിലെ നാലാം പ്രതിയാക്കി മുജീബിനെ അറസ്റ്റ് ചെയ്തത്.
നേരത്തേ അണ്ടത്തോട് ബീച്ചില് കടല്ഭിത്തി നിര്മ്മാണത്തിന് കരിങ്കല് കൊണ്ടുവന്ന ലോറി തടഞ്ഞ് കുന്നംകുളം ഇറിഗേഷന് സെക്ഷന് ഓഫീസിലെ ഓവര്സീയറെ കയ്യേറ്റം ചെയ്ത സംഭവത്തിലും മുജീബ് ഒന്നാം പ്രതിയാണ് പൊലീസ് പറഞ്ഞു.
