ഭദോഹി: എട്ട് വയസ്സുകാരി ആദിവാസി പെണ്കുട്ടിയെ തട്ടിക്കൊണ്ടുപോയി ബലാത്സംഗം ചെയ്ത് പുഴയോരത്ത് തള്ളിയ കേസില് ജുഡീഷ്യല് കസ്റ്റഡിയിലുള്ള പ്രതിക്കെതിരെ ഉത്തര്പ്രദേശ് ഭരണകൂടം ദേശീയ സുരക്ഷാ നിയമം ചുമത്തി. സൂര്യവാന് സ്റ്റേഷന് പരിധിയിലുള്ള ആദിവാസി ഗ്രാമത്തില് ജൂലൈ 11 ന് രാത്രി മുത്തശ്ശിമാര്ക്കൊപ്പം ഉറങ്ങിക്കിടന്നപ്പോള് പ്രതി പെണ്കുട്ടിയെ തട്ടിക്കൊണ്ടുപോയി മാനഭംഗപ്പെടുത്തുകയായിരുന്നു. കുടുംബത്തിന്റെ പരാതിയില് പോലീസ് നടത്തിയ തിരച്ചിലില് പിറ്റേന്ന് രാവിലെ കുസ നദിക്ക് സമീപം നഗ്നയായി പെണ്കുട്ടിയെ കണ്ടെത്തി. തെരച്ചിലിനിടെ പൊലീസിനു നേരെ പ്രത്യാക്രമണം നടത്തിയ പ്രതിയെ വെടിവച്ച് വീഴ്ത്തിയാണ് അറസ്റ്റു ചെയ്തത്. ബിഎന്എസിന്റെയും പോക്സോ നിയമത്തിന്റെയും വകുപ്പുകള് പ്രകാരം പ്രതിക്കെതിരെ കേസെടുത്തിരുന്നു.
