കോട്ടയം: താമരശേരി താലൂക്ക് ആശുപത്രിയിലെ അതിക്രമം നടന്നപ്പോള് ആരോഗ്യമന്ത്രി കൊട്ടിഘോഷിച്ച് പ്രഖ്യാപിച്ച കോഡ് ഗ്രേ പ്രോട്ടോക്കോള് എവിടെപ്പോയി?. അതിന്റെ ഫലപ്രാപ്തിയെക്കുറിച്ചുള്ള സംശയമാണ് ഇപ്പോള് വിവിധ കോണുകളില് നിന്ന് ഉയരുന്നത്.
2024 മാര്ച്ചിലാണ് ആശുപത്രികള്ക്കും ആരോഗ്യപ്രവര്ത്തകര്ക്കും രോഗികള്ക്കും നേരെയുള്ള അതിക്രമങ്ങള് തടയുന്നതിനായി സര്ക്കാര് സമഗ്രമായ ഒരു കോഡ് ഗ്രേ പ്രോട്ടോക്കോള് പുറത്തിറക്കിയത്. അതിനൊപ്പം സംസ്ഥാന വ്യാപകമായി ആശുപത്രി സുരക്ഷാ ഓഡിറ്റ് പൂര്ത്തിയാക്കുകയും മോക്ക് ഡ്രില്ലുകള്, ആശുപത്രി മുതല് സംസ്ഥാന തലം വരെയുള്ള സുരക്ഷാ കമ്മിറ്റികള്, കോഡ് ഗ്രേ ഫലപ്രദമായി നടപ്പിലാക്കുന്നതിനായി ജീവനക്കാര്ക്കും സുരക്ഷാ ഉദ്യോഗസ്ഥര്ക്കും പ്രത്യേക പരിശീലനം എന്നിവയും പ്രഖ്യാപിച്ചിരുന്നു.
നിയമ വിദഗ്ധരും മെഡിക്കല് പ്രൊഫഷണലുകളും അടക്കം ഉളളവരുമായി വലിയ കൂടിയാലോചനകള് നടത്തിയ ശേഷമാണ് പ്രോട്ടോക്കോള് രൂപീകരിച്ചത്.
ജീവനക്കാരുടെയും രോഗികളുടെയും സന്ദര്ശകരുടെയും സുരക്ഷ ഉറപ്പാക്കിക്കൊണ്ട്, സുരക്ഷാ ഉദ്യോഗസ്ഥര്ക്ക് വേഗത്തില് പ്രതികരിക്കാനും ഭീഷണി ഒഴിവാക്കാനും കോഡ് ഗ്രേ പ്രോട്ടോക്കോള് ലക്ഷ്യമിടുന്നു.
ആശുപത്രികള്ക്കുള്ളിലെ അക്രമങ്ങള്ക്ക് കര്ശനമായ ശിക്ഷകള് ചുമത്തുന്ന 2012 ലെ ഭേദഗതി ചെയ്ത കേരള ഹെല്ത്ത്കെയര് സര്വീസ് പേഴ്സണ്സ് ആന്ഡ് ഹെല്ത്ത്കെയര് സര്വീസ് ഇന്സ്റ്റിറ്റിയൂഷന്സ് (അക്രമം തടയല്, സ്വത്ത് നാശനഷ്ടങ്ങള് തടയല്) നിയമവുമായി ബന്ധപ്പെടുത്തിയാണ് പ്രോട്ടോക്കോള് തയ്യാറാക്കിയത്.
ആരോഗ്യമന്ത്രി വീണാ ജോര്ജ് കൊട്ടിഘോഷിച്ച് കൊണ്ടുവന്ന കോഡ് ഗ്രേ പ്രോട്ടോക്കോള് എവിടെപ്പോയി?
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.