കോഴിക്കോട്: രാമനാട്ടുകരയില് നിർത്തിയിട്ട ടൂറിസ്റ്റ് ബസ്സിന് പുറകില് കാർ ഇടിച്ച് അപകടം. അപകടത്തില് മൂന്ന് കുട്ടികള് ഉള്പ്പെടെ ഏഴ് പേർക്ക് പരുക്കേറ്റു. കോഴിക്കോട് കാക്കൂർ കാവടിക്കല് സ്വദേശികളാണ് അപകടത്തില്പെട്ടത്. സൈനബ(55), ജമീല(50), നജ ഫാത്തിമ(21), ലാമിയ(18), നൈദ(4), അമീർ(5), റവാഹ്(8), സിനാൻ(20) എന്നിവർക്കാണ് അപകടത്തില് പരുക്കേറ്റത്.
അതേസമയം ഉംറ കഴിഞ്ഞ് തിരിച്ചെത്തിയ ആളെ കരിപ്പൂർ വിമാനത്താവളത്തില് നിന്ന് കൂട്ടാൻ പോയ സംഘമാണ് കാറിലുണ്ടായിരുന്നത്. കാർ ഡ്രൈവർക്ക് ഗുരുതരമായി പരുക്കേറ്റു. കാറിന്റെ മുൻഭാഗം പൂർണമായും തകർന്ന നിലയിലാണ് ഉണ്ടായിരുന്നത്. നിർത്തിയിട്ട ബസ് കാർ ഡ്രൈവർ കാണാതിരുന്നതാണ് അപകടത്തിലേക്ക് നയിച്ചതെന്നാണ് നിഗമനം.
