ആലപ്പുഴ: ദൈവത്തിന്റെ പണം മോഷ്ടിക്കാന് മടിയില്ലാത്ത ആളുകള് ദേവസ്വം ബോര്ഡിലേക്ക് വരുന്നുണ്ടെന്ന് പ്രസിഡന്റ് പ്രശാന്തിനെ ലക്ഷ്യമിട്ട് സിപിഎം നേതാവും മുന് മന്ത്രിയുമായ ജി സുധാകരന്.
ദേവസ്വം ബോര്ഡ് പ്രസിഡന്റ് പ്രസ്താവനകളില് പക്വത കാണിക്കണമെന്നും സുധാകരന് ആവശ്യപ്പെട്ടു. ശബരിമലയിലെ സ്വര്ണപ്പാളി വിവാദത്തില് ദേവസ്വം ബോര്ഡ് പ്രസിഡന്റ് പ്രശാന്ത് നടത്തിയ പ്രസ്താവനകളെയാണ് സുധാകരന് വിമര്ശിച്ചത്. പ്രശാന്തിനെ പ്രസിഡന്റാക്കിയത് സിപിഎമ്മാണ്. പ്രസ്താവനകളില് സൂക്ഷിച്ചില്ലെങ്കില് പ്രസ്ഥാനത്തിനാണ് കേടെന്നും മുഖ്യമന്ത്രിയെ പോലും ആക്ഷേപിക്കുന്ന തലത്തില് പ്രശാന്തിന്റെ പ്രസ്താവനകള് വ്യാഖ്യാനിക്കപ്പെട്ടുവെന്നും സുധാകരന് പറഞ്ഞു. വിഷയത്തില് സത്യസന്ധവും നീതിയുക്തവുമായ അന്വേഷണം വേണമെന്നും ജി സുധാകരന് ആവശ്യപ്പെട്ടു.
