ന്യൂദല്ഹി: നമ്മുടെ ജനസംഖ്യാഘടന മാറ്റാന് ഗൂഢാലോചന നടക്കുന്നുണ്ടെന്നും ഇത് ബംഗ്ലാദേശില് നിന്നും മറ്റുമുള്ള നുഴഞ്ഞുകയറ്റത്തേക്കാള് വലിയ ഭീഷണിയാണെന്നും പ്രധാനമന്ത്രി നരേന്ദ്രമോദി.
മറ്റു രാജ്യങ്ങളുടെ മേല് സാമ്പത്തികമായ ആശ്രിതത്വം ഉണ്ടാക്കുന്നത് നമ്മുടെ ഏകത തകര്ക്കാനുള്ള ശ്രമമാണ്. ഇത് തിരിച്ചറിയണം. – മോദി അഭിപ്രായപ്പെട്ടു. ദല്ഹിയില് ആര്എസ്എസിന്റെ ശതാബ്ദി ആഘോഷത്തെ അഭിസംബോധന ചെയ്ത് സംസാരിക്കുകയായിരുന്നു മോദി.
സാമൂഹ്യ തുല്ല്യത നശിപ്പിക്കുന്ന രീതിയിലുള്ള ജനസംഖ്യാഘടനയിലെ മാറ്റമാണ് ഇക്കാലത്തെ വലിയൊരു വെല്ലുവിളി. നാനാത്വത്തില് ഏകത്വം എന്നതാണ് ഇന്ത്യയുടെ ആത്മാവെങ്കിലും ജാതി, ഭാഷ, പ്രാദേശികത, ഭീകരവാദ ചിന്ത എന്നിവ ശരിയായി കൈകാര്യം ചെയ്തില്ലെങ്കില് രാജ്യത്തെ ദുര്ബലപ്പെടുത്തും.- മോദി പറഞ്ഞു.
സാമൂഹ്യതുല്ല്യത എന്നത് ദുര്ബലരായവര്ക്ക് മുന്ഗണന നല്കി സാമൂഹ്യ നീതി ഉറപ്പാക്കലും അതുവഴി ദേശീയ ഐക്യം അരക്കിട്ടുറപ്പിക്കലുമാണ്. ഭീകരവാദ ചിന്ത, പ്രാദേശികത, ജാതി തര്ക്കം, ഭാഷ, ബാഹ്യശക്തികള് അടിച്ചേല്പിക്കുന്ന ഭിന്നത- ഇതെല്ലാമാണ് ഇന്ന് രാജ്യം നേരിടുന്ന വെല്ലുവിളികള്. – മോദി പറഞ്ഞു.
