ചെന്നൈ: ടിവികെ റാലിയിക്കിടെയുണ്ടായ ദുരന്തവുമായി ബന്ധപ്പെട്ട് സ്വതന്ത്ര അന്വേഷണം ആവശ്യപ്പെട്ട് തമിഴക വെട്രി കഴകം (ടിവികെ) നല്കിയ ഹര്ജി മദ്രാസ് ഹൈക്കോടതി തിങ്കളാഴ്ച പരിഗണിക്കും.
ദുരന്തത്തിന്റെ മൂലകാരണത്തില് സംശയം ഉന്നയിച്ച് സംഭവത്തില് സ്വമേധയാ കേസ് എടുത്ത് സ്വതന്ത്ര അന്വേഷണത്തിന് ഉത്തരവിടണമെന്ന് ആവശ്യപ്പെട്ട് ടിവികെയുടെ അഭിഭാഷകര് കോടതിയെ സമീപിക്കുകയായിരുന്നു.
അതേസമയം, ദുരന്തത്തിന്റെ ഇരയായ കരൂരിലെ രാമനൂരിലെ എ സെന്തില്കണ്ണന്, വിജയ്യുടെ റാലിക്ക് ഏര്പ്പെടുത്തിയിരിക്കുന്ന കടുത്ത വ്യവസ്ഥകളില് ഇളവ് വരുത്തുന്നത് സംബന്ധിച്ച് നിലവിലുള്ള കേസില് തന്നെയും കക്ഷി ചേര്ക്കണമെന്ന് ആവശ്യപ്പെട്ട് കോടതിയില് ഹര്ജി നല്കി. ഇതില് ഞായറാഴ്ച ഉച്ചകഴിഞ്ഞ് പ്രത്യേക സിറ്റിങ്ങില് അടിയന്തര വാദം കേള്ക്കാന് കോടതി സമ്മതിച്ചുവെങ്കിലും ഹര്ജി ഔദ്യോഗികമായി ഫയല് ചെയ്യാത്തതിനാല് വാദം കേള്ക്കല് റദ്ദാക്കി.
ദുരന്തത്തില് സിബിഐ അന്വേഷണം ആവശ്യപ്പെട്ട് ബിജെപി നേതാവും ഗ്രേറ്റര് ചെന്നൈ കോര്പ്പറേഷന് കൗണ്സിലറുമായ ഉമാ ആനന്ദന് സമര്പ്പിച്ച ഹര്ജിയില് അടിയന്തരമായി വാദം കേള്ക്കാന് കോടതി വിസമ്മതിച്ചു.
