ന്യൂഡല്ഹി: ഊര്ജമേഖലയില് വന് പ്രഖ്യാപനവുമായി ഇന്ത്യ. ആൻഡമാൻ കടലില് ഗണ്യമായതോതില് പ്രകൃതിവാതക സാന്നിധ്യം റിപ്പോര്ട്ട് ചെയ്യപ്പെട്ടിട്ടുണ്ടെന്നും ഇത് ഇന്ത്യയുടെ ആഴക്കടല് പര്യവേക്ഷണത്തിന് വലിയ ഉത്തേജനമാകുമെന്നും കേന്ദ്രമന്ത്രി ഹര്ദീപ് സിങ് പുരി അറിയിച്ചു. റഷ്യയില്നിന്നുള്ള എണ്ണ ഇറക്കുമതി വിവാദവും യുഎസ് അധിക തീരുവയും കത്തിനില്ക്കെയാണ് പുതിയ നീക്കം.
ദ്വീപിൽ നിന്ന് 17 കിലോമീറ്റര് അകലെയുള്ള ശ്രീ വിജയപുരത്താണ് വന്തോതില് പ്രകൃതിവാതകശേഖരം കണ്ടെത്തിയതെന്ന് അദ്ദേഹം പോസ്റ്റില് കുറിച്ചു. 295 മീറ്റര് ജലനിരപ്പിലും 2,650 മീറ്റര് ആഴത്തിലുമാണ് ഈ എണ്ണക്കിരാജ്യത്തിന്റെ ഊര്ജ്ജ ആവശ്യങ്ങളുടെ ഏകദേശം 85 ശതമാനവും നിറവേറ്റുന്നത് ഇറക്കുമതിയിലൂടെ ആയതിനാല്, പ്രാവർത്തികമാവുകയാണെങ്കിൽ ഈ പദ്ധതി ഇന്ത്യയെ സ്വയംപര്യാപ്തതയിലേക്ക് നയിക്കും.
2,212-നും 2,250 മീറ്ററിനും ഇടയിലുള്ള പ്രാഥമിക ഉത്പാദന പരിശോധനയില് പ്രകൃതിവാതകത്തിന്റെ സാന്നിധ്യം സ്ഥിരീകരിച്ചതായും ഇടവിട്ടുള്ള ജ്വാലകള് ദൃശ്യമായതായും പുരി പോസ്റ്റില് വിശദീകരിച്ചു. വാതക സാമ്പിളുകള് കാക്കിനഡയില് എത്തിച്ച് പരിശോധിച്ചപ്പോള് അതില് 87 ശതമാനം മീഥേന് ആണെന്ന് കണ്ടെത്തി.വാതകശേഖരത്തിന്റെ വലുപ്പവും കണ്ടെത്തലിന്റെ വാണിജ്യസാധ്യതയും വരുംമാസങ്ങളില് സ്ഥിരീകരിക്കും.
