ന്യൂദല്ഹി: സെപ്തംബര് 10ന് നടത്തിയ കലാപാഹ്വാനപ്രസംഗത്തെക്കുറിച്ച് മാധ്യമപ്രവര്ത്തകര് ചോദിക്കുമ്പോള് സോനം വാങ്ചുക് എന്ന ലഡാക്കിലെ പരിസ്ഥിതി എന്ജിഒ സംഘടനയുടെ നേതാവ് സോനം വാങ്ചുകിന് മൗനം.
ലഡാക്കില് കലാപം ഉണ്ടായപ്പോള് താന് സമാധാനത്തിന്റെ മാര്ഗ്ഗത്തില് സമരം ചെയ്യാന് ഇഷ്ടപ്പെടുന്ന ആളാണെന്ന് പറഞ്ഞ് പൊടുന്നനെ നിരാഹാരസമരം അവസാനിപ്പിച്ച് സമരത്തില് നിന്നും നാടകീയമായി പിന്വാങ്ങുകയായിരുന്നു സോനം വാങ് ചുക്. താന് മഹാത്മാഗാന്ധിയുടേത് പോലെ സമാധാനം കാംക്ഷിക്കുന്നവനാണെന്നും സോനം വാങ് ചുക് അവകാശപ്പെട്ടിരുന്നു.
അറബ് വസന്തത്തെക്കുറിച്ചും നേപ്പാള്, ശ്രീലങ്ക, ബംഗ്ലാദേശ് കലാപങ്ങളെക്കുറിച്ചും പറഞ്ഞ് യുവാക്കളെ ഇളക്കിവിടാന് സോനം വാങ് ചുക് സെപ്തംബര് 10ന് നടത്തിയ പ്രസംഗം:
Anarchist Sonam Wangchuk first incited mobs on 10th Sept, and with Congress’s help, he set Leh on fire on 24th Sept. His actions have been anything but peaceful. What he preaches on national TV and what he practices are poles apart. pic.twitter.com/oJUyzqzbDI
— Amit Malviya (@amitmalviya) September 25, 2025
എന്നാല് സോനം വാങ്ചുക് ഇരവാദം ഉയര്ത്തി രക്ഷപ്പെടാന് ശ്രമിക്കുകയായിരുന്നുവെന്ന് പിന്നീട് തെളിഞ്ഞു. ഇയാള് സെപ്തംബര് 10ന് നടത്തിയ ഒരു പ്രസംഗത്തിന്റെ വീഡിയോ പിന്നീടാണ് പുറത്തുവന്നത്. ഇതില് അറബ് വസന്തം പോലുള്ള കലാപം നടത്തണമെന്ന് സോനം വാങ് ചുക് പറയുന്നത് കേള്ക്കാം. ശ്രീലങ്കയിലും ബംഗ്ലാദേശിലും നേപ്പാളിലും നടന്ന കലാപം പോലുള്ള ഒന്ന് നടത്തണമെന്നും ഇയാള് യുവാക്കളെ ആഹ്വാനം ചെയ്യുന്നുണ്ട്. നേപ്പാളില് കലാപം നടത്തിയവരെപ്പോലെ ഇവിടെയും ജെന് സീ തലമുറ ഉണരണമെന്നും പറഞ്ഞ് സോനം വാങ് ചുക് കൗമാരക്കാരെ ഇളക്കിവിടാന് ശ്രമിക്കുന്നത് കാണാം. ഈ വീഡിയോ പുറത്തുവന്നതോടെയാണ് ആട്ടിന്കുട്ടി ചമഞ്ഞ സോനം വാങ് ചുക് കലാപത്തിന് യുവാക്കളെയും ജെന് സീയേയും പ്രേരിപ്പിക്കുന്ന ചെന്നായ ആണെന്ന് ലോകത്തിന് മനസ്സിലായത്. മാത്രമല്ല അറബ് വസന്തം എന്ന ടുണീഷ്യ ഉള്പ്പെടെയുള്ള അറബ് രാജ്യങ്ങളില് നടന്ന കലാപത്തിന്റെയും നേപ്പാളിലും ശ്രീലങ്കയിലും ബംഗ്ലാദേശിലും നടന്ന യുവാക്കളുടെ സമരത്തിന്റെയും ലക്ഷ്യം സര്ക്കാരുകളെ മറച്ചിടലായിരുന്നല്ലോ എന്ന മാധ്യമങ്ങളുടെ ചോദ്യത്തിനും സോനം വാങ്ചുകിന് മറുപടിയില്ലായിരുന്നു.
കലാപത്തില് നാല് പേരാണ് കൊല്ലപ്പെട്ടത്. 70 പേര്ക്ക് പരിക്കേല്ക്കുകയും ചെയ്തു. സോനം വാങ് ചുക് വിദേശ നാണ്യ വിനിമയച്ചട്ടം ലംഘിച്ചതിന്റെ പേരില് ഇയാളുടെ സംഘടനയ്ക്ക് വിദേശ ഫണ്ട് സ്വീകരിക്കാനുള്ള അവകാശം കേന്ദ്രസര്ക്കാര് റദ്ദാക്കിയിരിക്കുകയാണ്. ജനങ്ങളെ അക്രമത്തിന് പ്രേരിപ്പിച്ചു എന്ന കുറ്റത്തിന്റെ പേരില് വെള്ളിയാഴ്ച സോനം വാങ് ചുകിനെ കേന്ദ്രം അറസ്റ്റ് ചെയ്തു.
