ന്യൂദല്ഹി: സിപിഐ ജനറല് സെക്രട്ടറിയായി ഡി രാജ തുടരാന് ദേശീയ കൗണ്സില് ഔദ്യോഗിക തീരുമാനം എടുത്തു.അതേ സമയം, ഡി രാജയെ കൗണ്സിലില് ഉള്പ്പെടുത്തിയതിനെതിരെ കേരളം അടക്കം ഘടകങ്ങള് ശക്തമായ എതിര്പ്പ് ഉന്നയിച്ചു. പ്രതിനിധികളുടെ ആവശ്യപ്രകാരം എതിര്പ്പ് മിനിട്സില് രേഖപ്പെടുത്തി.
കേരളം, തമിഴ്നാട്, ആന്ധ്ര, ദല്ഹി ഘടകങ്ങള് ആണ് എതിര്പ്പ് അറിയിച്ചത്. പാര്ട്ടി കോണ്ഗ്രസിന്റെ ചരിത്രത്തില് ഇത് അസാധാരണം എന്നാണ് നേതാക്കള് പറഞ്ഞത്.
എന്നാല് പ്രായപരിധിയില് ഇളവ് നല്കിയുള്ള തീരുമാനം ഐക്യകണ്ഠേന എടുത്തതാണെന്ന് ഡി. രാജ പ്രതികരിച്ചു. ശക്തമായ പ്രവര്ത്തനങ്ങളുമായി മുന്നോട്ട് പോകുമെന്നും ഡി രാജ പറഞ്ഞു. എന്നാല് കേരള ഘടകം എതിര്പ്പ് ഉന്നയിച്ചു എന്ന വാര്ത്തകളെ കുറിച്ച് അറിയില്ലെന്ന് പറഞ്ഞ രാജ അവരോട് തന്നെ ചോദിക്കൂ എന്നാണ് മറുപടി പറഞ്ഞത്. പാര്ട്ടി ഒറ്റക്കെട്ടാണെന്നും അദ്ദേഹം പറഞ്ഞു.
സിപിഐയുടെ പുതിയ ദേശീയ നിര്വാഹക സമിതിയില് 31 അംഗങ്ങളാണ് ഉള്ളത്. കെ പി രാജേന്ദ്രന് നിര്വാഹക സമിതിയില് തുടരും. 11 അംഗ ദേശീയ സെക്രട്ടറിയേറ്റ്, 31 അംഗ എക്സിക്യൂട്ടിവ്, 136 അംഗ കൗണ്സില് എന്നിവ നിലവില് വന്നു.
