ഹിന്ദു ക്ഷേത്രങ്ങളും ഹിന്ദു തീര്ത്ഥാടനകേന്ദ്രങ്ങളും മതേതരകേന്ദ്രങ്ങളാക്കി മാറ്റാനുള്ള ഒരു നിഗൂഢ അജണ്ട ഇന്ത്യയിലാകെ നടപ്പാക്കുകയാണ് വിദേശശക്തികളും അവരുടെ പിണിയാളുകളും. ഡീപ് സ്റ്റേറ്റിന്റെ ധനസഹായത്തില് പ്രവര്ത്തിക്കുന്ന എന്ജിഒകളും മതപരിവര്ത്തനലോബികളും മതേതരത്വും മതാതീതതയും വന്തോതില് പ്രചരിപ്പിക്കുന്ന ഗൂഢാലോചനയിലാണ്. ഏത് വിധേനെയും ഹിന്ദുത്വത്തെ ചങ്ങലയ്ക്കിടുക എന്നതാണ് ഇവരുടെ ലക്ഷ്യമെന്ന് പറയപ്പെടുന്നു.
കര്ണ്ണാടകയില് ധര്മ്മസ്ഥലയില് നൂറ്റാണ്ട് പഴക്കമുള്ള മഞ്ജുനാഥ ക്ഷേത്രത്തെ സ്ത്രീകളെ കൂട്ടത്തോടെ ബലാത്സംഗം ചെയ്ത് ഒന്നിച്ചു കുഴിച്ചുമൂടുന്ന സ്ഥലമാക്കി മാറ്റാനുള്ള ശ്രമത്തിന് പിന്നില് കോണ്ഗ്രസും മാവോയിസ്റ്റ് മീഡിയകലും മതപരിവര്ത്തനലോബിയും ഇസ്ലാമിക മതമൗലികശക്തികളും എന്ജിഒകളും വിദേശശക്തികളുമായി കൈകോര്ത്തിരുന്നു. അതുപോലെ മൈസൂര് ദസറ ആഘോഷം നടക്കുന്ന കര്ണ്ണാടകയിലെ ചാമുണ്ഡീകുന്നുകളും ചാമൂണ്ഡീക്ഷേത്രവും ഹിന്ദുക്കളുടേത് മാത്രമല്ലെന്നും മതേതര ഇടമാണെന്നുമാണ് കര്ണ്ണടാകയിലെ കോണ്ഗ്രസ് ഉപമുഖ്യമന്ത്രി ഡി.കെ. ശിവകുമാര് പ്രസ്താവിച്ചത്. മൈസൂര് ദസറ എന്ന ഹിന്ദു ഉത്സവം മുസ്ലിം സമുദായത്തില്പ്പെട്ട എഴുത്തുകാരിയായ ബാനു മുഷ്താഖിനെക്കൊണ്ട് ഉദ്ഘാടനം ചെയ്യിക്കാനുള്ള കര്ണ്ണാടകയിലെ കോണ്ഗ്രസ് മുഖ്യമന്ത്രി സിദ്ധരാമയ്യയുടെ തീരുമാനം മറ്റൊരു ഉദാഹരണമാണ്.
ഇപ്പോള് ശബരിമലയില് നടക്കുന്ന ആഗോള അയ്യപ്പസംഗമത്തില് മുഖ്യമന്ത്രി നടത്തിയ പ്രസ്താവനയും ഇതേ അജണ്ടയുടെ തുടര്ച്ചയാണെന്ന് വേണം പറയാന്. ശബരിമലയിലേത് മതാതീത ആത്മീയതയാണെന്നാണ് മുഖ്യമന്ത്രി പിണറായി വിജയന് പറഞ്ഞത്. എല്ലാ മതക്കാര്ക്കും പ്രവേശനം നല്കുന്നു എന്നതുകൊണ്ട് അവിടുത്തെ ആത്മീയതയെ എന്തിനാണ് ഹിന്ദുമതത്തില് നിന്നും അടര്ത്തിമാറ്റി മതാതീത ആത്മീയതയാക്കുന്നതെന്ന ചോദ്യം ഹൈന്ദവവിശ്വാസികള് ചോദിക്കുന്നു.
സ്റ്റാലിന് ഭരണത്തിന്കീഴില് ഹിന്ദു ക്ഷേത്രഭൂമികള് മറ്റ് ആവശ്യങ്ങള്ക്കായി ഉപയോഗിക്കപ്പെടുന്നത് വര്ധിച്ചതായി ചൂണ്ടിക്കാണിക്കപ്പെടുന്നു. ഇതിനെതിരെ കോടതി പോലും കഴിഞ്ഞ വര്ഷങ്ങളില് എത്രയോ പരാമര്ശങ്ങള് നടത്തിയിരിക്കുന്നു. അതിന്റെ ഏറ്റവും ഒടുവിലത്തെ ഉദാഹരണമാണ് ക്ഷേത്രങ്ങളില് നിന്നുള്ള ഫണ്ട് ഉപയോഗിച്ച് കല്യാണഹാളുകള് പണിയാനുള്ള സ്റ്റാലിന് സര്ക്കാരിന്റെ തീരുമാനത്തെ മദ്രാസ് ഹൈക്കോടതി ചോദ്യം ചെയ്ത സംഭവം. കോയമ്പത്തൂരില് ഇഷ ആശ്രമത്തിനെതിരെ നടന്ന പല വിധ ദ്രോഹനടപടികളെക്കുറിച്ച് സദ്ഗുരു ജഗ്ഗി വാസുദേവ് തന്നെ പല തവണ പറഞ്ഞിട്ടുണ്ട്.
എന്തായാലും ദക്ഷിണേന്ത്യയിലെ കര്ണ്ണാടകത്തിലും കേരളത്തിലും തമിഴ്നാട്ടിലും ഹൈന്ദവക്ഷേത്രങ്ങള് മതേതര ഇടങ്ങളാക്കാനുള്ള ശ്രമം ശക്തിപ്പെടുകയാണ്.
