ന്യൂദല്ഹി: വീണ്ടും രാജ്യദ്രോഹ പ്രസ്താവനയുമായി എഴുത്തുകാരി ഇന്ത്യന് സൈന്യം ഇന്ത്യക്കാര്ക്കെതിരെ തന്നെ യുദ്ധം നടത്തുന്നവരാണെന്നും ഇക്കാര്യത്തില് മെച്ചം പാകിസ്ഥാനാണെന്നും ആണ് അരുന്ധതീ റോയിയുടെ വിവാദ പ്രസ്താവന. അരുന്ധതി റോയി. ഇന്ത്യയെയും പാകിസ്ഥാനെയും താരതമ്യം ചെയ്ത് പാകിസ്ഥാനെ ശ്ലാഘിക്കുന്ന അരുന്ധതീറോയിയുടെ രാജ്യദ്രോഹസ്വഭാവമുള്ള ഒരു പഴയ വീഡിയോ വീണ്ടും സമൂഹമാധ്യമങ്ങളില് ചില ശക്തികള് വൈറലായി പ്രചരിപ്പിക്കുകയാണ്. ഇതിനെതിരെ വിമര്ശനവുമായി മുന് വിദേശകാര്യ സെക്രട്ടറി കന്വാല് സിബല് രംഗത്ത്.
പാക് സൈന്യം അവരുടെ രാജ്യത്ത് നടത്തിയ ഒരു പിടി സൈനിക നടപടികള് അക്കമിട്ട് നിരത്തുകയാണ്. കന്വാല് സിബല്. മാത്രമല്ല, കശ്മീരില് ഉള്പ്പെടെയുള്ള പ്രദേശങ്ങളില് ഇന്ത്യന് സേന നടത്തുന്ന സൈനിക നടപടിയെ വിമര്ശിക്കുക വഴി തീവ്രവാദത്തെ പിന്തുണയ്ക്കുക കൂടിയാണ് അരുന്ധതീ റോയിയെന്നും കന്വാല് സിബല്. പൊതുവേ ഇന്ത്യയിലെ ഭരണം അട്ടിമറിക്കാന് ശ്രമിക്കുന്ന ഡീപ് സ്റ്റേറ്റിന്റെ ഏജന്റാണ് അരുന്ധതീ റോയി എന്ന വിമര്ശനം ഉയരുന്നതിനിടയിലാണ് പുതിയ വിവാദം.
ഇന്ത്യന് സൈന്യം ഇന്ത്യക്കാര്ക്കെതിരെ തന്നെ യുദ്ധം നടത്തുന്നുവെന്നാണ് അരുന്ധതീ റോയിയുടെ ആരോപണം. അതിന് ഉദാഹരണമായി മണിപ്പൂര്, കശ്മീര്, നാഗാലാന്റ്, മിസോറാം, തെലുങ്കാന, പഞ്ചാബ്, ഗോവ, ഹൈദരാബാദ് എന്നീ പ്രദേശങ്ങളെന്നും അരുന്ധതീ റോയി പറയുന്നു. എന്നാല് പാകിസ്ഥാനില് ഇതുപോലെ സൈന്യം ജനങ്ങള്ക്കെതിരെ തിരിയുന്ന സ്ഥിതിയില്ലെന്നാണ് അരുന്ധതീയുടെ വാദം. ഇന്ത്യ ഉന്നതജാതിയില്പ്പെട്ട ഹിന്ദുക്കളുടെ രാജ്യമാണെന്നും അരുന്ധതി വിമര്ശിക്കുന്നു.
അരുന്ധതീ റോയി ചരിത്രം വളച്ചൊടിക്കുകയാണെന്നും സ്വന്തം രാജ്യത്തിനെതിരെ വിഷംചീറ്റുന്ന എഴുത്തുകാരിയാണ് അരുന്ധതീറോയിയെന്നും കന്വാല് സിബല് പ്രതികരിക്കുന്നു.
കടുത്ത ഹിന്ദു വിരുദ്ധയാണ് അരുന്ധതീറോയി.തീവ്രവാദത്തെ പിന്തുണയ്ക്കുന്ന നിലപാടാണ് അരുന്ധതീറോയിയുടേത്. (കശ്മീര്, മണിപ്പൂര്, പഞ്ചാബ് തുടങ്ങിയ പ്രദേശങ്ങളിലെ സൈനികനടപടി തീവ്രവാദത്തിനെതിരായതാണ്. ). ബലൂചിസ്ഥാന്, ഫാറ്റ(അഫ്ഗാനിസ്ഥാന്റെ അതിര്ത്തിപ്രദേശങ്ങളില് കിടക്കുന്ന ഗോത്രവര്ഗ്ഗ പ്രദേശം), പാറ്റാ (ഖൈബര് പക്തൂണ്ക്വായിലെ ഗോത്രവര്ഗ്ഗപ്രദേശങ്ങളിലെ പാക് സൈനിക നടപടി) എന്നിവിടങ്ങളിലെ പാകിസ്ഥാന് സൈനിക നടപടികളെക്കുറിച്ച് അരുന്ധതീ റോയിയ്ക്കറിയില്ലേ?- കന്വാല് സിബല് ചോദിക്കുന്നു.
“വടക്കന് വാരിസ്ഥാനില് 2014ലെ സൈനികനടപടിയില് ടാങ്കുകളും യുദ്ധവിമാനങ്ങളും ഉപയോഗിച്ചിരുന്നു. റഹത് ഇ നിരാജ് എന്ന പേരില് 2009ലും പാകിസ്ഥാന് സൈനിക നടപടി നടത്തിയിരുന്നു. 2006ല് ബലൂചികള്ക്കെതിരെ മുഷറഫ് സൈനിക നടപടി കൈക്കൊണ്ടിരുന്നു. അന്ന് നവാബ് അക്ബര് ബുഗ്തിയെ കൊല്ലാന് പീരങ്കി ഉപയോഗിച്ചു. പാകിസ്ഥാന് സേന കലാപം അടിച്ചമര്ത്താന് അസം ഇ ഇസ്തെകാം എന്ന പേരില് സൈനിക നടപടി 2024ല് നടത്തിയിരുന്നു. “- പാകിസ്ഥാന് സേന പാകിസ്ഥാനുള്ളില് നടത്തിയ സൈനിക നടപടികള് കന്വാല് സിബല് അക്കമിട്ട് നിരത്തുന്നു.
