തിരുവനന്തപുരം: ബി അശോക് ഐഎഎസിനെ പേഴ്സണല് ആന്ഡ് അഡ്മിനിസ്ട്രേഷന് വകുപ്പിലേക്ക് മാറ്റിയ സംസ്ഥാന സര്ക്കാരിന്റെ ഉത്തരവ് കേന്ദ്ര അഡ്മിനിസ്ട്രേറ്റീവ് ട്രിബ്യൂണല് സ്റ്റേ ചെയ്തു. കഴിഞ്ഞ ദിവസമാണ് അശോകിനെ കൃഷി വകുപ്പ് പ്രിന്സിപ്പല് സെക്രട്ടറി സ്ഥാനത്ത് നിന്ന് പഴ്സണല് ആന്ഡ് അഡ്മിനിസ്ട്രേഷന് വകുപ്പിലേക്ക് മാറ്റിയത്. സ്ഥലം മാറ്റത്തിനെതിരെ ബി അശോക് അഡ്മിനിസ്ട്രേറ്റീവ് ട്രിബ്യൂണലിനെ സമീപിക്കുകയായിരുന്നു.
നേരത്തെ അശോകിനെ കേരള ട്രാന്സ്പോര്ട്ട് ഡെവലപ്മെന്റ് ഫിനാന്സ് കോര്പ്പറേഷന് ചെയര്മാനായി സ്ഥലം മാറ്റിയ സര്ക്കാര് നടപടി സെന്ട്രല് അഡ്മിനിസ്ട്രേറ്റീവ് ട്രൈബ്യൂണല് സ്റ്റേ ചെയ്തിരുന്നു.ഈ ഉത്തരവ് നിലനില്ക്കെയാണ് വീണ്ടും മാറ്റിയത്. കൃഷി വകുപ്പ് പ്രിന്സിപ്പല് സെക്രട്ടറി ആയി ചുമതല ഏറ്റെടുത്തശേഷം ദിവസങ്ങള്ക്കുള്ളിലാണ് വീണ്ടും മാറ്റമുണ്ടായത്. കേര പദ്ധതി വാര്ത്ത ചോര്ത്തല് വിവാദത്തെ തുടര്ന്നാണ് കൃഷി വകുപ്പ് പ്രിന്സിപ്പല് സെക്രട്ടറി സ്ഥാനത്ത് നിന്നും ബി അശോകിനെ മാറ്റിയത്.
