തിരുവനന്തപുരം: ഡോ. ബി. അശോകിനെ കൃഷി വകുപ്പില് നിന്ന് വീണ്ടും മാറ്റി. പേഴ്സണല് ആന്ഡ് അഡ്മിനിസ്ട്രേറ്റീവ് റീഫോംസ് വകുപ്പ് പ്രിന്സിപ്പല് സെക്രട്ടറിയായാണ് പുതിയ നിയമനം.
നേരത്തെ അശോകിനെ കേരള ട്രാന്സ്പോര്ട്ട് ഡെവലപ്മെന്റ് ഫിനാന്സ് കോര്പ്പറേഷന് ചെയര്മാനായി സ്ഥലം മാറ്റിയ സര്ക്കാര് നടപടി സെന്ട്രല് അഡ്മിനിസ്ട്രേറ്റീവ് ട്രൈബ്യൂണല് സ്റ്റേ ചെയ്തിരുന്നു.ഈ ട്രിബ്യൂണല് ഉത്തരവ് നിലനില്ക്കെയാണ് ഇപ്പോഴത്തെ മാറ്റം.
കൃഷി വകുപ്പ് പ്രിന്സിപ്പല് സെക്രട്ടറി ആയി ചുമതല ഏറ്റെടുത്തശേഷം ദിവസങ്ങള്ക്കുള്ളിലാണ് വീണ്ടും മാറ്റം . സെപ്തംബര് 17 മുതല് ഇത് നിലവില് വരുമെന്നാണ് ഉത്തരവിലുളളത്.
കേര പദ്ധതി വാര്ത്ത ചോര്ത്തല് വിവാദത്തെ തുടര്ന്നാണ് കൃഷി വകുപ്പ് പ്രിന്സിപ്പല് സെക്രട്ടറി സ്ഥാനത്ത് നിന്നും ബി അശോകിനെ മാറ്റിയത്.ടിങ്കു ബിസ്വാളിനായിരുന്നു പകരം ചുമതല നല്കിയത്.
കേര പദ്ധതി വിവാദത്തില് ബി അശോകിന് ആയിരുന്നു അന്വേഷണ ചുമതല.
