തിരുവനന്തപുരം: ലൈംഗിക ആരോപണങ്ങളെ തുടര്ന്ന് കോണ്ഗ്രസ് അംഗത്വത്തില് നിന്ന് സസ്പെന്ഡ് ചെയ്യപ്പെട്ട പാലക്കാട് എംഎല്എ രാഹുല് മാങ്കൂട്ടത്തിലിന് നിയമസഭയില് പ്രത്യേക ബ്ലോക്ക്. പ്രതിപക്ഷ നേതാവ് വി ഡി സതീശന് നല്കിയ കത്ത് പരിഗണിച്ചാണ് തീരുമാനമെന്ന് നിയമസഭ സ്പീക്കര് എ എന് ഷംസീര് മാധ്യമങ്ങളെ അറിയിച്ചു.
സഭയില് വരുന്നത് സംബന്ധിച്ച് തീരുമാനിക്കേണ്ടത് രാഹുല് മാങ്കൂട്ടത്തിലാണെന്നും ഇതുവരെ അവധി അപേക്ഷ കിട്ടിയിട്ടില്ലെന്നും സ്പീക്കര് പറഞ്ഞു.നിയമ നിര്മാണത്തിന് മാത്രമായി ചേരുന്ന 12 ദിവസത്തെ സഭ സമ്മേളനം തിങ്കളാഴ്ച തുടങ്ങും. ഒക്ടോബര് 10 വരെയാണ് സമ്മേളനം.നാല് ബില്ലുകളാണ് സമ്മേളനത്തില് പരിഗണിക്കുന്നത്.ബാക്കി ചര്ച്ച ചെയ്ത് തീരുമാനിക്കുമെന്നും എ എന് ഷംസീര് അറിയിച്ചു.
രാഹുല് സഭയില് വരേണ്ടതില്ലെന്ന നിലപാടിലാണ് വി ഡി സതീശന്. എന്നാല് എ ഗ്രൂപ്പിനും പാര്ട്ടിയില് ഒരു വിഭാഗത്തിനും രാഹുല് മാങ്കൂട്ടത്തില് സഭയില് എത്തണമെന്ന നിലപാടാണ് ഉള്ളത്.
