തിരുവനന്തപുരം: സിപിഎം ഭരിക്കുന്ന തിരുവനന്തപുരം താലൂക്ക് കോ-ഓപ്പറേറ്റീവ് എംപ്ലോയീസ് സഹകരണസംഘത്തില് കോടികളുടെ ക്രമക്കേട്.വ്യാജ ശമ്പള സര്ട്ടിഫിക്കറ്റുകളുടെയും വ്യാജരേഖകളുടെയും ഈടില് കോടികളുടെ വായ്പകള് നല്കിയാണ് തട്ടിപ്പ് നടത്തിയിട്ടുളളത്.
ഭരണ സമിതി അംഗങ്ങള്ക്ക് അമ്പത് ലക്ഷത്തിനോടടുത്ത് വായ്പകളുണ്ട്.10 ലക്ഷത്തിന്റെ മുപ്പതോളം ചിട്ടികളുമുണ്ട്. ഇത് ഭരണസമിതി അംഗങ്ങള്ക്ക് അനുവദിക്കാവുന്ന വായ്പയുടെയും ചിട്ടികളുടെയും ഇരട്ടിയാണ്.
സഹകരണ സംഘം അസിസ്റ്റന്റ് രജിസ്ട്രാറുടെ ഓഡിറ്റ് റിപ്പോര്ട്ടിലാണ് ക്രമക്കേട് കണ്ടെത്തിയത്.ഭരണസമിതി അംഗങ്ങള്ക്ക് ഒരേ ശമ്പള സര്ട്ടിഫിക്കറ്റില് 9 ല് കൂടുതല് വായ്പകളാണ് അനുവദിച്ചിരിക്കുന്നത്. ബാങ്കിലെ ക്രമക്കേടില് വിശദ പരിശോധന നടത്തണമെന്നും റിപ്പോര്ട്ടില് ശുപാര്ശയുണ്ട്.
2022-23 കാലഘട്ടത്തിലാണ് തട്ടിപ്പ് നടന്നിട്ടുളളത്.ഭരണസമിതി പ്രസിഡന്റ് അര കോടിയിലേറെ രൂപയുടെ വ്യാജ വായ്പകള് എടുത്തിട്ടുണ്ടെന്നാണ് കണ്ടെത്തല്. ഒരാള് 9 സാലറി സര്ട്ടിഫിക്കറ്റുകള് വെച്ച് പലതരത്തിലുള്ള വായ്പകള് വഴി പണം കൈവശപ്പെടുത്തിയിട്ടുണ്ടെന്നും കണ്ടെത്തി.സിപിഎം നേമം ഏരിയ കമ്മിറ്റിയിലുള്ളവരുള്പ്പെടെ ഉള്ളവരാണ് 50 ലക്ഷം രൂപ തട്ടിയെടുത്തത്.അന്വേഷണത്തിന് ശുപാര്ശ ചെയ്തിരുന്നെങ്കിലും ഒന്നരക്കൊല്ലത്തിന് ശേഷവും റിപ്പോര്ട്ടിന്മേല് ഒരു അന്വേഷണവും നടന്നിട്ടില്ല.സിപിഎം തിരുവനന്തപുരം ജില്ലാ കമ്മിറ്റി റിപ്പോര്ട്ട് പൂഴ്ത്തിവച്ചതാണെന്നും ആരോപണം ഉണ്ട്.
