ന്യൂദല്ഹി: രാജ്യത്തിന്റെ 15ാമത് ഉപരാഷ്ട്രപതിയായി ബിജെപി നേതൃത്വത്തിലുള്ള എന്ഡിഎ സ്ഥാനാര്ത്ഥി സി.പി. രാധാകൃഷ്ണന് വിജയിച്ചാലും അതിലും കുറ്റം കണ്ട് കോണ്ഗ്രസിന്റെ ജയറാം രമേശ്. എന്ഡിഎയുടെ ഉപരാഷ്ടപതി സ്ഥാനാര്ത്ഥിയുടെ വിജയം ധാര്മ്മികമായ തിരിച്ചടിയാണെന്നായിരുന്നു ജയറാം രമേശിന്റെ പോസ്റ്റ്. അതേ സമയം തോറ്റുപോയ ഇന്ത്യാ മുന്നണി സ്ഥാനാര്ത്ഥി സുദര്ന് റെഡ്ഡിയുടെ പ്രകടനം ഏറ്റവും അഭിന്ദനാര്ഹമാണെന്നും ആണ് ജയറാം രമേശ് കുറിച്ചിരിക്കുന്നത്. ജയറാം രമേശിന്റെ പോസ്റ്റ് വായിച്ചാല് ആരാണ് യഥാര്ത്ഥത്തില് ഉപരാഷ്ട്രപതി തെരഞ്ഞെടുപ്പില് വിജയിച്ചത് എന്ന് മനസ്സിലാക്കാന് പ്രയാസമാണെന്നായിരുന്നു പലരുടെയും സമൂഹമാധ്യമത്തിലെ പരിഹാസം.
പൊതുവേ മോദി സര്ക്കാര് എത്ര നന്മ ചെയ്താലും എത്രയൊക്കെ ജയം നേടിയാലും അതിലെല്ലാം കുറ്റങ്ങളും കുറവുകളും കാണുന്നതില് ഒന്നാമനാണ് ജയറാം രമേശ്. ഹിന്ഡന്ബര്ഗ് റിസര്ച്ച് അദാനിയ്ക്കെതിരെ കള്ള റിപ്പോര്ട്ട് തയ്യാറാക്കിയപ്പോള് അദാനിയെ തലങ്ങും വിലങ്ങും വിമര്ശിച്ച ആളാണ് ജയറാം രമേശ്.
കോണ്ഗ്രസില് നിന്നും ഗുലാം നബി ആസാദ്, ശശി തരൂര് തുടങ്ങി മനീഷ് തിവാരി വരെയുള്ള നേതാക്കളെ ഗാന്ധി കുടുംബത്തില് നിന്നും അകറ്റിയതിന് പിന്നില് ജയറാം രമേശാണെന്ന് കോണ്ഗ്രസിനുള്ളില് അടക്കിപ്പിടിച്ച സംസാരമുണ്ട്. ഗാന്ധി കുടുംബത്തിന്റെ ഏറ്റവും അടുത്ത അനുയായിയാണ് ഇന്ന് ജയറാം രമേശ്. വിദേശകോണ്ഗ്രസിന്റെ ചുമതലയുള്ള സോണിയാഗാന്ധിയുടെ ഏറ്റവും വിശ്വസ്തനായ സാം പിത്രോദയുടെയും വിശ്വസ്തനാണ് ജയറാം രമേശ്.
