മുംബൈ: യുഎസ് പ്രസിഡന്റ് ഡൊണാള്ഡ് ട്രംപിനെ അങ്ങേയറ്റം പരിഹസിച്ച് ബോളിവുഡ് നടന് സല്മാന് ഖാന്. ഈ ലോകത്ത് ഏറ്റവും കൂടുതല് പ്രശ്നങ്ങള് സൃഷ്ടിക്കുന്നയാള് സമാധാനത്തിനുള്ള നൊബേല് സമ്മാനം ആഗ്രഹിക്കുന്ന എന്നായിരുന്നു ട്രംപിനെതിരായ സല്മാന് ഖാന്റെ പരിഹാസം. എന്താണ് ഈ ലോകത്തിന് സംഭവിച്ചുകൊണ്ടിരിക്കുന്നത് എന്നും സല്മാന് ഖാന് ചോദിക്കുന്നു.
ഹിന്ദിയില് നടക്കുന്ന ബിഗ് ബോസ് 19ല് ആങ്കറായ സല്മാന് ഖാന് ബിഗ് ബോസ് പരിപാടിക്കിടെയാണ് ട്രംപിനെ പരിഹസിച്ചത്. ബിഗ് ബോസ് 19ല് മത്സാര്ത്ഥിയായ ഫര്ഹാന ഭട്ട് സ്ഥിരം വഴക്കുണ്ടാക്കുന്ന ആളാണെങ്കിലും താന് സമാധാനകാംക്ഷിയാണ് എന്ന് എപ്പോഴും നടിക്കുന്നുവെന്ന് പറയുന്നതിനിടയിലാണ് സല്മാന് ഖാന് ട്രംപിന്റെ കാര്യം എടുത്തിട്ടത്. പെട്ടെന്ന് തന്നെ സല്മാന്ഖാന്റെ ഈ പ്രസ്താവന വൈറലായി പ്രചരിക്കുകയും ചെയ്തു.
ഓപ്പറേഷന് സിന്ദൂറില് ഇന്ത്യാ പാക് വെടിനിര്ത്തലിന്റെ പേരില് അമേരിക്കന് പ്രസിഡന്റ് താന് സമാധാനത്തിനുള്ള നൊബേല് സമ്മാനം ആഗ്രഹിക്കുന്നതായി പറഞ്ഞിരുന്നു.
