ബെംഗളൂരു: കോടതിയില് വാദിക്കാന് ദിവസം ആറ് ലക്ഷം വരെ ഫീസ് വാങ്ങുന്ന സുപ്രീംകോടതി അഭിഭാഷകര് എങ്ങിനെയാണ് ധര്മ്മസ്ഥല വ്യാജ ആരോപണക്കേസില് ശുചീകരണത്തൊഴിലാളിയായ മുഖംമൂടി മനുഷ്യന് വേണ്ടി വാദിക്കാന് രംഗത്തെത്തി? ഈ അഭിഭാഷകര്ക്ക് ഫണ്ട് നല്കിയത് ആരാണ്? എത്രയോ ദിവസങ്ങളായി ഈ കേസിന് പിന്നാലെ ഇത്രയും വില പിടിച്ച അഭിഭാഷകര് എന്തിന് അവരുടെ സമയം ചെലവഴിച്ചു? ധര്മ്മസ്ഥലയില് നിന്നും കുഴിച്ചെടുത്ത തലയോട്ടി എന്ന് അവകാശപ്പെട്ട് രംഗത്തെത്തിയ ശുചീകരണത്തൊഴിലാളിക്ക് വേണ്ടി എന്തിനാണ് ഇവര് വാദിക്കാന് തയ്യാറായത്? അയാള് പറഞ്ഞ കഥകള് വ്യാജമാണെന്ന് ഇവര്ക്ക് മനസ്സിലായില്ലേ? അതോ മനസ്സിലായിട്ടും ഈ കേസില് ഇവര് ശുചീകരണത്തൊഴിലാളിയെ മജിസ്ട്രേറ്റിന് മുന്പില് ഹാജരാക്കി സാക്ഷിയുടെ സ്വകാര്യതെ കാത്തുസൂക്ഷിക്കാനുള്ള പ്രത്യേക നിയമപരിരക്ഷ വാങ്ങിക്കൊടുത്തത് എന്തിനാണ്?
ധര്മ്മസ്ഥല കേസില് നൂറായിരം ഉത്തരം കിട്ടാത്ത ചോദ്യങ്ങള് സാധാരണക്കാരെ പോലും കുഴക്കുകയാണ്. ആരാണ് ഇത്രയും അടിസ്ഥാനമില്ലാത്ത കഥകള് വെച്ച് ഇത്തരമൊരു ഗൂഢാലോചന ധര്മ്മസ്ഥല പോലെ ആയിരക്കണക്കിന് വര്ഷം പഴക്കമുള്ള ഒരു ക്ഷേത്രത്തെക്കുറിച്ച് നടത്തിയത്?
ഇതേ അഭിഭാഷകര് ഈ ശുചീകരണത്തൊഴിലാളിയെ എവിടെനിന്നോ സംഘടിപ്പിച്ച തലയോട്ടിയുമായി സുപ്രീംകോടതിയില് ഹാജരാക്കാനും പദ്ധതിയിട്ടിരുന്നതായി പറയുന്നു. അതിനായി ശുചീകരണത്തൊഴിലാളിയായ മുഖംമൂടി മനുഷ്യന് ദല്ഹിയില് എത്തിയിരുന്നു. അവിടെ ഒരു ഉന്നത കോണ്ഗ്രസ് നേതാവുമായി ചര്ച്ച നടത്തിയതായും പറയുന്നു. എന്നാല് സുപ്രീംകോടതി ഈ കേസ് അനുവദിക്കാതിരുന്നതിനാല് ഈ ശുചീകരണത്തൊഴിലാളി തലയോട്ടിയും ഏന്തി വീണ്ടും കര്ണ്ണാടകയില് തിരിച്ചെത്തുകയായിരുന്നു. മാത്രമല്ല, പൊലീസ് അന്വേഷണമോ സ്ഥലം കുഴിച്ചുള്ള പരിശോധനയോ വെറുമൊരു പരാതി ലഭിച്ചതിന്റെ പേരില് നടത്താന് കഴിയില്ലെന്ന് പറഞ്ഞ കര്ണ്ണാടകമുഖ്യമന്ത്രി ദല്ഹിയില് നിന്നും ഒരു ഫോണ് കാള് വന്നയുടനെയാണ് പ്രത്യേക അന്വേഷണ സംഘത്തെ ധര്മ്മസ്ഥല കേസന്വേഷണത്തിനായി നിയോഗിക്കുന്നത്. സിദ്ധരാമയ്യ ദല്ഹിയില് നിന്നും വന്ന ഒരു ഫോണ് കാളിലെ നിര്ദേശം പാലിക്കണമെങ്കില് അത് കോണ്ഗ്രസിലെ അത്യുന്നതനായ ഒരു നേതാവായിരിക്കാം എന്നുറപ്പാണ്. ഇരുട്ടത്ത് മറഞ്ഞിരിക്കുന്ന ഈ നേതാവ് ആരാണ്?
എന്തായാലും വിദേശഫണ്ടോ അതല്ലെങ്കില് ഇന്ത്യയ്ക്കകത്ത് നിന്നു തന്നെയുള്ള ഫണ്ടോ ഈ കേസ് ഉയര്ത്തിക്കൊണ്ടുവരാന് ആരോ ഒഴുക്കിയിട്ടുണ്ടെന്ന് ഉറപ്പാണ്. അതിന് കര്ണ്ണാടക ഭരിയ്ക്കുന്ന സര്ക്കാരിലെ ഒരു ശക്തന്റെ പിന്തുണയും ഉണ്ടായിരിക്കും എന്നാണ് കരുതപ്പെടുന്നത്.
ബിജെപി എന്ഐഎ അന്വേഷണം ആവശ്യപ്പെട്ടിട്ടും ധര്മ്മസ്ഥയുടെ സല്പ്പേര് നശിപ്പിക്കാന് വിദേശത്ത് നിന്നും ഫണ്ട് ഒഴുകിയിട്ടുണ്ടോ എന്നതിനെക്കുറിച്ച് മാത്രം അന്വേഷിക്കാനാണ് കര്ണ്ണാടക സര്ക്കാര് എന്ഐഎക്ക് അനുവാദം നല്കിയിട്ടുള്ളത്. അതിനര്ത്ഥം, വിദേശഫണ്ടല്ല, ഇന്ത്യയ്ക്കകത്ത് നിന്നുള്ള ഫണ്ട് തന്നെയായിരിക്കാം എന്നും ചിലര് നിഗമനത്തിലെത്തുന്നു. എന്തായാലും ചുരുളഴിയാന് ഒരു പാട് രഹസ്യങ്ങള് ധര്മ്മസ്ഥല ഗൂഢാലോചനയ്ക്ക് പിന്നില് ഉണ്ട്. മഹേഷ് ഷെട്ടി തിമ്മറോഡി, ജയന്ത് ടി, ഗിരീഷ് മടന്നവര് എന്നിവരെല്ലാം യഥാര്ത്ഥ പ്രതികള് മുന്നില് നിര്ത്തിയ ഡമ്മി ഹിന്ദു പ്രതികള് മാത്രമാണെന്നും കരുതപ്പെടുന്നു. ധര്മ്മസ്ഥലയെ അപകീര്ത്തിപ്പെടുത്താല് മാവോയിസ്റ്റ് മീഡിയ, അഭിഭാഷകസംഘം, എന്ജിഒകള്, മതപരിവര്ത്തന ലോബി, കോണ്ഗ്രസ്, ഇടത് രാഷ്ട്രീയക്കാര്, ഇസ്ലാമിക മതമൗലിക ശക്തികള് യൂട്യൂബര്മാര് എന്നിവര് കൈകോര്ത്തുപിടിച്ച് ഹിന്ദുത്വത്തെ നശിപ്പിക്കാന് നടത്തിയ ഒരു വലിയ ഗൂഢാലോചനയാണ് ധര്മ്മസ്ഥല വ്യാജആരോപണക്കേസ് എന്നാണ് ആരോപിക്കപ്പെടുന്നത്.
