മൈസൂര്: ചാമുണ്ഡീകുന്നിന്മേല് സ്ഥാപിച്ചിട്ടുള്ള ചാമുണ്ഡീദേവി ശക്തിപീഠമാണെന്നും അത് ഹിന്ദുക്കളുടേത് മാത്രമല്ലെന്ന് പറയുന്നത് ശുദ്ധഅസംബന്ധമാണെന്നും മൈസൂര് എംപിയും മൈസൂരിലെ വാഡിയാര് രാജകുടുംബത്തിലെ യുവ അംഗവുമായ യദുവീര് വാഡിയാര്. മൈസൂരിലെ ചാമുണ്ഡീദേവിക്ഷേത്രം മഹാശക്തിപീഠങ്ങളില് ഒന്നാണ്. സതീദേവിയുടെ തലമുടി വീണ സ്ഥലമാണത്രെ ചാമുണ്ഡിദേവീക്ഷേത്രം. അത്രയ്ക്ക് പാരമ്പര്യമുറങ്ങുന്ന ക്ഷേത്രമാണ്. ശാസ്ത്രങ്ങളാല് പരിശുദ്ധമാക്കപ്പെട്ട ഈ ക്ഷേത്രത്തെയും ദേവിയെയും ലക്ഷക്കണക്കിന് ഹിന്ദുക്കള് ആരാധിക്കുന്നു. -അദ്ദേഹം പറഞ്ഞു.
ഈ ക്ഷേത്രം ഹിന്ദുക്കളുടെ സ്വത്ത് ആയിരുന്നു, ആകുന്നു, ഇനി ആയിരിക്കുകയും ചെയ്യും. കര്ണ്ണാടകക്കാര് എല്ലാ മതങ്ങളേയും ബഹുമാനിക്കുന്നതിനെ അംഗീകരിക്കുന്നു. പക്ഷെ നിരന്ത്രമായി ഹിന്ദുക്കളുടെ ആരാധനലയങ്ങളേയും ആചാരങ്ങളേയും ഉത്സവങ്ങളേയും അവഹേളിക്കുന്നതിനെ എതിര്ക്കുക തന്നെ ചെയ്യും. – യദുവീര് വാഡിയാര് പറഞ്ഞു.
ഭുവനേശ്വരി ദേവിയായി കന്നട ഭാഷയെ തനിക്ക് ആരാധിക്കാന് കഴിയില്ലെന്ന് പറഞ്ഞ എഴുത്തുകാരിയാണ് ഭാനു മുഷ്താഖ്. പിന്നെ എന്തിന് മുസ്ലിം സമുദായാംഗമായ എഴുത്തുകാരിയെക്കൊണ്ട് മൈസൂരിലെ ദസറ ആഘോഷം ഉദ്ഘാടനം ചെയ്യിക്കുന്നത്?- ബിജെപി എംപിമാര് ചോദിക്കുന്നു.
ചാമുണ്ഡിക്കുന്നുകളില് മാര്ക്കണ്ഡേയ ഋഷി തപസ്സു ചെയ്തതായി പുരാണങ്ങളില് പറയുന്നു. മഹാബലേശ്വര, ചാമുണ്ഡിക്ഷേത്രങ്ങള്ക്ക് ആയിരക്കണക്കിന് വര്ഷങ്ങളുടെ ചരിത്രമുണ്ടെന്ന് രേഖപ്പെടുത്തപ്പെട്ട ചരിത്രം പറയുന്നു.- യദുവീര് വാഡിയാര് പറയുന്നു.
