ടിയാന്ജിന് (ചൈന): ചൈനയും പാകിസ്ഥാനും തമ്മിലുണ്ടായിരുന്ന അച്ചുതണ്ട് ചൈനയിലെ ടിയാന്ജിനില് നടന്ന എസ് സിഒ ഉച്ചകോടിയില് മോദി പൊളിച്ചടുക്കി. ഇത് ഇന്ത്യയെ സംബന്ധിച്ചിടത്തോളം വലിയ നയതന്ത്രവിജയം.
പാകിസ്ഥാന് പ്രധാനമന്ത്രി ഷെഹ്ബാസ് ഷെരീഫ് കൂടി ഇരിക്കുന്ന എസ് സിഒ സമ്മേളന വേദിയില് ആണ് മോദി പഹല്ഗാം ഭീകരാക്രമണത്തെ അപലപിച്ചതും ഇതിനെതിരെ പ്രമേയം പാസാക്കണമെന്ന് ധീരമായി ആവശ്യപ്പെട്ടതും. ഷെഹ്ബാസ് ഷെരീഫിന് ഇതിനെതിരെ ചെറുവിരലനക്കാന് പോലും കഴിഞ്ഞില്ല. ചൈനീസ് പ്രസിഡന്റ് ഷീ ജിന്പിങ്ങും റഷ്യന് പ്രസിഡന്റ് വ്ളാഡിമിര് പുടിനും മോദിയുടെ ആവശ്യത്തിന് പച്ചക്കൊടി വീശിയതോടെ പാശ്ചാത്യ രാജ്യങ്ങള് ചെയ്യാന് മടിച്ചത് എസ് സിഒ സംഘടനയെക്കൊണ്ട് ചെയ്യിക്കാന് മോദിക്ക് സാധിച്ചു. അതിര്ത്തിക്കപ്പുറത്തുനിന്നും കടന്നുവന്ന പാക് ഭീകരര് പഹല്ഗാമില് 26 ഇന്ത്യന് ടൂറിസ്റ്റുകളെ വെടിവെച്ച് കൊന്നതിനെ 24 രാഷ്ട്രനേതാക്കള് പങ്കെടുത്ത എസ് സിഒ ഉച്ചകോടി അപലപിച്ചിരിക്കുന്നു. യൂറോപ്യന് രാജ്യങ്ങളും അമേരിക്കയും ചെയ്യാന് മടിച്ചതാണ് റഷ്യയും ചൈനയും ചെയ്തത്. പാകിസ്ഥാന് മാത്രമല്ല, തുര്ക്കി പ്രസിഡന്റ് എര്ദോഗാനും ഉള്ള വേദിയിലാണ് മോദി ഇത് സാധിച്ചെടുത്തത് എന്നത് നിസ്സാര നേട്ടമല്ല.
തന്റെ വല്യേട്ടനാണ് ചൈനീസ് പ്രസിഡന്റ് ഷീ ജിന്പിങ്ങ് എന്ന് പരസ്യമായി പ്രസ്താവന നടത്തിയ വ്യക്തിയാണ് പാകിസ്ഥാന് പ്രധാനമന്ത്രി ഷെഹ്ബാസ് ഷെരീഫ്. പക്ഷെ അങ്ങിനെ ഒരു സൗഹൃദവും എസ് സി ഒ ഉച്ചകോടിയില് ഷീ ജിന്പിങ്ങില് നിന്നും ഷെഹ്ബാസ് ഷെരീഫിന് കിട്ടിയില്ല. കഴിയുന്നതും ഷെഹ്ബാസ് ഷെരീഫിനെ ഒഴിവാക്കുന്ന ഷീ ജിന് പിങ്ങിനെയാണ് ടിയാന്ജിനില് കണ്ടത്. പൊതുവേ യുഎസും ട്രംപും പാകിസ്ഥാനില് ആധിപത്യം നേടിയതില് ചൈന അസ്വസ്ഥരാണ്. ഷെഹ്ബാസ് ഷെരീഫിനെ മറികടന്ന് അസിം മുനീര് കാര്യങ്ങള് തീരുമാനിക്കുന്ന രീതിയില് കാര്യങ്ങള് മുന്നോട്ട് പോവുകയാണ്. ഷെഹ്ബാസ് ഷെരീഫിനെ മാറ്റിനിര്ത്തി ട്രംപ് അസിം മുനീറിലൂടെ അമേരിക്കയ്ക്ക് വേണ്ട കാര്യങ്ങള് നേടിയെടുക്കാന് ശ്രമിക്കുകയാണ്. ഇതില്ലെല്ലാം കടുത്ത അമര്ഷത്തിലാണ് ചൈന. ആ വെറുപ്പ് തന്നെയാണ് ഷെഹ്ബാസ് ഷെരീഫിനെതിരെ ഷീ ജിന്പിങ്ങ് പ്രകടിപ്പിച്ചത് എന്ന് കരുതുന്നു. ഓപ്പറേഷന് സിന്ദൂറില് ചൈന പാകിസ്ഥാന് സഹായം നല്കി എന്നത് നേരാണ്. പക്ഷെ പാകിസ്ഥാനെ ആ ബാന്ധവത്തില് നിന്നും അടര്ത്തിമാറ്റാന് കഴിഞ്ഞു, പാകിസ്ഥാനെ ഒറ്റപ്പെടുത്താന് കഴിഞ്ഞു എന്നത് മോദിയുടെ വിജയം തന്നെ.
