കോട്ടയം: ശബരിമലയില് സര്ക്കാര് നടത്തുന്ന ആഗോള അയ്യപ്പസംഗമത്തില് പങ്കെടുപ്പിക്കണമെന്ന ബിന്ദു അമ്മിണിയുടെ ആവശ്യം നിരാകരിച്ച് ദേവസ്വം മന്ത്രി വി എന് വാസവന്. അത്തരക്കാര്ക്ക് പങ്കെടുക്കാനുള്ള വേദിയല്ല അയ്യപ്പ സംഗമമെന്ന് മന്ത്രി പറഞ്ഞു. അവരെ പങ്കെടുക്കാന് ഒരു കാരണവശാലും അനുവദിക്കില്ല. യഥാര്ത്ഥ അയ്യപ്പഭക്തര്ക്ക് ഉള്ള വേദിയാണ് മന്ത്രി വ്യക്തമാക്കി.
ആഗോള അയ്യപ്പ സംഗമത്തില് പങ്കെടുക്കാന് അനുവദിക്കണമെന്ന് ആവശ്യപ്പെട്ട് മുഖ്യമന്ത്രി പിണറായി വിജയന് അഭിഭാഷകയും ആക്ടിവിസ്റ്റുമെന്ന് അവകാശപ്പെടുന്ന ബിന്ദു അമ്മിണി കത്തയച്ചിരുന്നു.
സുപ്രീംകോടതിയുടെ ശബരിമല സ്ത്രീ പ്രവേശന വിധിയെത്തുടര്ന്ന് ബിന്ദു അമ്മിണി അവിടെ ദര്ശനം നടത്തിയത് വലിയ വിവാദമായിരുന്നു. തന്നെപ്പോലെ ശബരിമല ദര്ശനം നടത്താനാഗ്രഹിക്കുന്ന യുവതികള് കേരളത്തിനകത്തും പുറത്തുമുണ്ടെന്നാണ് മുഖ്യമന്ത്രിക്കെഴുതിയ തുറന്ന കത്തില് അവര് പറഞ്ഞത്.
