എറണാകുളം :ഫോര്ട്ട്കൊച്ചിയില് പതിനൊന്നുകാരിക്ക് നേരെ ലൈംഗിക അതിക്രമം കാട്ടിയ യുവാവ് അറസ്റ്റില്. തോപ്പുംപടി നസ്രത്ത് സ്വദേശി ഡാരല് ഡിസൂസയാണ് ഫോര്ട്ട്കൊച്ചി പൊലീസ് പിടിയിലായത്.
അതിക്രമത്തിനു ശേഷം കടന്നു കളഞ്ഞ പ്രതിയെ സിസിടിവി ദൃശ്യങ്ങള് കേന്ദ്രീകരിച്ചു നടത്തിയ അന്വേഷണത്തിലാണ് കണ്ടെത്തിയത്. വീട്ടില് നിന്ന് കടയിലേക്ക് പോവുകയായിരുന്ന പതിനൊന്നുകാരിയെ ബൈക്കില് എത്തിയ ഡാരല് കടന്നു പിടിച്ചത് ഈ മാസം 24നാണ്. കടന്നു പിടിച്ച ശേഷം ഒപ്പം വരണമെന്ന് യുവാവ് ആവശ്യപ്പെടുകയും ചെയ്തു.
പെണ്കുട്ടി പേടിച്ചു കുതറിമാറി സമീപത്തെ കടയിലേക്ക് ഓടിക്കയറി വിവരം പറഞ്ഞു. കടക്കാരന് പുറത്തിറങ്ങിയതോടെ ഡാരല് ഡിസൂസ കടന്നുകളഞ്ഞു. നൂറോളം സിസിടിവി ദൃശ്യങ്ങള് പരിശോധിച്ചതില് നിന്നാണ് യുവാവിന്റെ വാഹന നമ്പര് കിട്ടിയത്.
പോക്സോ വകുപ്പ് പ്രകാരമാണ് കേസ് എടുത്തത്.
