മലപ്പുറം: മലപ്പുറം നഗരസഭയില് പൊളിച്ചുമാറ്റിയ വീടിന്റെ നമ്പറില് അടക്കം ഉദ്യോഗസ്ഥര് വോട്ടുകള് ചേര്ത്തുവെന്ന് യുഡിഎഫ്. നഗരസഭയിലെ വാര്ഡ് 22 ചീനിതോട് പ്രദേശത്ത്് മാത്രം 122 വോട്ടുകള് ഇത്തരത്തില് അനധികൃതമായി ചേര്ത്തിട്ടുണ്ടെന്നാണ് യുഡിഎഫ് പറയുന്നത്.
വാടക കെട്ടിടങ്ങളിലെയും ക്വാര്ട്ടേഴ്സുകളിലെയും പൊളിച്ചു മാറ്റപ്പെട്ട കെട്ടിടങ്ങളുടെയും നമ്പര് ഉപയോഗിച്ച് വോട്ടര് പട്ടികയില് പേര് തിരുകിക്കയറ്റുന്നതിനെതിരെ തെരെഞ്ഞെടുപ്പ് കമ്മീഷന് പരാതി നല്കുമെന്നും ഹൈക്കോടതിയെ സമീപിക്കുമെന്നും നേതാക്കള് പറഞ്ഞു.
സിപിഐ ജില്ലാ കമ്മിറ്റി ഓഫിസ് സെക്രട്ടറിയുടേയും ഭാര്യയുടേയും പേര് തൃക്കലങ്ങോട്ടെ വോട്ടര്പട്ടികയിലും മലപ്പുറം നഗരസഭയിലെ വോട്ടര്പട്ടികയിലും ഉള്പ്പെടുത്തിയെന്നും യു.ഡി.എഫ് ആരോപിക്കുന്നു.
