സ്ഥാപനത്തിന്റെ പേരിൽ സാമ്പത്തിക തട്ടിപ്പ് ആരോപണം വന്നു, യുവാവ് സ്വന്തം വീട്ടിൽ ആത്മഹത്യ ചെയ്തു

വാളകം: പാരാമെഡിക്കൽ സ്ഥാപനമുടമ അമൽ വീട്ടിൽ തൂങ്ങിമരിച്ച നിലയിൽ. കൊട്ടാരക്കര വാളകം അറയ്‌ക്കൽ വീട്ടിൽ അമൽ സാമ്പത്തിക തട്ടിപ്പുകൾ നടത്തിയെന്ന പരാതികൾ വന്നിരിക്കെയാണ് സംഭവം. ബിഎസ്എസ് അംഗീകാരമുള്ളതെന്ന് പ്രചരിപ്പിച്ച് അഞ്ചലിൽ ഒരു സ്ഥാപനം നടത്തിയിരുന്നു അമൽ. ഒട്ടേറെ പേർ ഇവിടെ പഠിക്കാൻ ഫീസ് നൽകി ചേർന്നിരുന്നു. എന്നാൽ ബിഎസ്എസ് അംഗീകാരമില്ലത്തതാണ് സ്ഥാപനമെന്ന് വ്യക്തമായതോടെ അമലിനെതിരേ സാമ്പത്തിക തട്ടിപ്പ് ആരോപിച്ച് കേസുകൾ കൊടുത്തിരുന്നു. വിവാദത്തിലും കേസിലും അന്വേഷണം ആരംഭിച്ചപ്പോഴാണ് അമലിനെ വീട്ടിൽ തൂങ്ങിമരിച്ച നിലയിൽ കണ്ടെത്തിയത്.