ന്യൂദല്ഹി: കേണല് സോഫിയ ഖുറേഷിയും വിങ്ങ്കമാന്ഡര് വ്യോമിക സിങ്ങും ഓപ്പറേഷന് സിന്ദൂറിനെ കുറിച്ച് കൂടുതല് വിവരങ്ങള് പങ്കുവച്ചു. വര്ഷങ്ങളായിട്ടുള്ള പാക് പ്രകോപനത്തിന് മറുപടി നല്കേണ്ടത് അനിവാര്യമായിരുന്നെന്നും അതാണ് ഓപ്പറേഷന് സിന്ദൂറിലൂടെ യാഥാര്ത്ഥ്യമാക്കിയതെന്നും സോഫിയ ഖുറേഷി പറഞ്ഞു.
അമിതാഭ് ബച്ചന്റെ കോന് ബനേഗാ കരോര്പതി എന്ന പരിപാടിയിലാണ് പ്രതികരണം. പരിപാടിയുടെ പ്രമോ വീഡിയോ പുറത്തു വന്നു.
”വെറും 25 മിനിറ്റിലാണ് ഓപ്പറേഷന് സിന്ദൂര് പൂര്ത്തിയാക്കി
യത്. അന്ന് പുലര്ച്ചെ 1.05 മുതല് 1.30 വരെയുള്ള സമയം. ഇത്ര ചെറിയ സമയത്തിനുള്ളില് അവരുടെ എല്ലാ പരിപാടികളും ഞങ്ങള് അവസാനിപ്പിച്ചു. പാകിസ്ഥാന്റെ ഭീകരപ്രവര്ത്തനങ്ങള് തുടര്ച്ചയായി നടക്കുന്നുണ്ട്.
അതിനൊരു മറുപടി ആവശ്യമായിരുന്നു. അതിനാലാണ് ഓപ്പറേഷന് സിന്ദൂര് ആസൂത്രണം ചെയ്തതെന്നും” വ്യോമിക സിങ്ങ് പറഞ്ഞു.
ആഗസ്ത് 15 സ്വാതന്ത്ര്യദിനത്തോടനുബന്ധിച്ചുള്ള പ്രത്യേക പരിപാടിയിലാണ് ഓപ്പറേഷന് സിന്ദൂറിനെക്കുറിച്ച് വിശദീകരിച്ച അഭിമാനമായ നാരീശക്തികളെ പരിചയപ്പെടുത്തിയത്. ഇവര്ക്കൊപ്പം നാവികസേന കമാന്ഡര് പ്രേരണ ദിയോസ്താലിയും പരിപാടിയില് അതിഥിയായി എത്തുന്നുണ്ട്.
