തൃശൂര് : കേന്ദ്ര സഹമന്ത്രി സുരേഷ്ഗോപിയുടെ ഓഫീസിന് മുന്നിലെ ബോര്ഡില് കരിഓയില് ഒഴിച്ചതില് പ്രതിഷേധിച്ച് സിപിഎം തൃശൂര് ജില്ലാ കമ്മിറ്റി ഓഫീസിലേക്ക് ബിജെപി പ്രവര്ത്തകര് നടത്തിയ പ്രകടനത്തില് സംഘര്ഷം. ബിജെപി പ്രവര്ത്തകരും പൊലീസും തമ്മില് ഉന്തും തള്ളും ഉണ്ടായി. പൊലീസ് ലാത്തി വീശിയതിനെ തുടര്ന്ന് ബിജെപി തൃശൂര് സിറ്റി പ്രസിഡന്റ് ജസ്റ്റിന് ജേക്കബിന് തലയ്ക്ക് പരിക്കേറ്റു.
സംഭവത്തെ തുടര്ന്ന് നഗരത്തില് വന് പൊലീസ് സന്നാഹം ഏര്പ്പെടുത്തി. സിപിഎം ജില്ലാ കമ്മിറ്റി ഓഫീസിന്റെ സുരക്ഷകൂട്ടി.
നേരത്തേ, സുരേഷ് ഗോപി തൃശൂര് എടുത്തതല്ല, കട്ടതാണ് എന്നെഴുതിയ പ്ലക്കാര്ഡുകളുമായാണ് സിപിഎം സുരേഷ്ഗോപിയുടെ ഓഫീസിലേക്ക് പ്രകടനം നടത്തിയത്.പ്രകോപനപരമായ മുദ്രാവാക്യം വിളികളോടെ ആയിരുന്നു പ്രതിഷേധ മാര്ച്ച്. സി പിഎം തൃശൂര് ജില്ലാ സെക്രട്ടറി അബ്ദുല് ഖാദര് മാര്ച്ച് ഉദ്ഘാടനം ചെയ്തു
.
