മൊറോക്കോ: ഭാരത നാവികസേനയുടെ ഏറ്റവും പുതിയ സ്റ്റെല്ത്ത് ഫ്രീഗേറ്റായ ഐഎന്എസ് തമാല് മൊറോക്കോയിലെ കാസബ്ലാങ്കയില് മൂന്നു ദിവസത്തെ തുറമുഖ സന്ദര്ശനം വിജയകരമായി പൂര്ത്തിയാക്കി.
ഇത് ഭാതരത്തിന്റെ തുടര്ച്ചയായ സമുദ്ര നയതന്ത്രത്തിലെ നാഴികക്കല്ലാവുകയും ഭാരതവും മൊറോക്കോയും തമ്മിലുള്ള പ്രതിരോധ സഹകരണത്തിനു ശക്തി പകരുകയും ചെയ്യുന്നു. കഴിഞ്ഞ രണ്ടു വര്ഷമായി കാസബ്ലാങ്ക സന്ദര്ശിക്കുന്ന മൂന്നാമത്തെ ഭാരത നാവിക കപ്പലാണ് ഐഎന്എസ് തമാല്. മൊറോക്കോയുമായുള്ള ഉഭയകക്ഷി ബന്ധം കൂടുതല് ആഴത്തിലാക്കുന്നതിനും പ്രാദേശിക സമുദ്ര സ്ഥിരത ഉറപ്പുവരുത്താനുമുള്ള ഭാരതത്തിന്റെ പ്രതിബദ്ധതയുടെ ഫലമാണ് കാസബ്ലാങ്ക തുറമുഖ സന്ദര്ശനം.
