തിരുവനന്തപുരം: ജനറല് ആശുപത്രിക്ക് സമീപം കാര് നിയന്ത്രണം വിട്ട് നടപ്പാതയിലേക്ക് ഇടിച്ചുകയറി അഞ്ച് പേര്ക്ക് പരിക്ക്. നിയന്ത്രണം വിട്ട കാര് ആദ്യം ഓട്ടോ സ്റ്റാന്ഡിലേക്കാണ് ഇടിച്ചു കയറിയത്. സൂര്യന്, ഷാഫി എന്നീ രണ്ട് ഓട്ടോഡ്രൈവര്മാരുടെ നില ഗുരുതരമാണ്.
വഴിയാത്രക്കാര്ക്കും പരിക്കേറ്റു.കാര് അമിത വേഗത്തിലായിരുന്നവെന്ന് ദൃക്സാക്ഷികള് പറഞ്ഞു. വട്ടിയൂര്കാവ് സ്വദേശി വിഷ്ണുനാഥ് എന്നയാളാണ് കാര് ഓടിച്ചിരുന്നത്.ഇയാള്ക്ക് വാഹനമോടിച്ച് പരിയചയമുണ്ടായിരിന്നില്ല. ഒപ്പമുണ്ടായിരുന്ന ബന്ധു ഇയാളെ കാര് ഓടിച്ച് പഠിപ്പിക്കുകയായിരുന്നു എന്നാണ് വിവരം.
ബ്രേക്കിന് പകരം ആക്സിലേറ്റര് ചവിട്ടിയതാണ് അപകടത്തിന് കാരണമെന്നാണ് നിഗമനം. സംഭവസ്ഥലം ആര്ടിഒ സന്ദര്ശിച്ചു. പ്രാഥമിക പരിശോധനയില് വാഹനത്തിന് സാങ്കേതിക തകരാര് ഒന്നും ഉണ്ടായിരുന്നില്ല എന്ന്വ്യക്തമായി. ഡ്രൈവറുടെ പരിചയക്കുറവാണ് അപകടത്തിന് വഴി വെച്ചത്.
