വാഷിംഗ്ടണ്: സ്പേസ് എക്സിന്റെ ക്രൂ 10 ഡ്രാഗണ് ദൗത്യത്തില് ബഹിരാകാശത്ത് എത്തിയ സഞ്ചാരികള് ഭൂമിയില് തിരിച്ചെത്തി. അഞ്ച് മാസം അന്താരാഷ്ട്ര ബഹിരാകാശ നിലയത്തില് കഴിഞ്ഞശേഷമാണ് നാലംഗ സംഘം ഭൂമിയില് തിരിച്ചെത്തിയത്.
ഇന്ത്യന് സമയം ശനിയാഴ്ച രാത്രി 9.03-നാണ് സ്പേസ് എക്സിന്റെ ഡ്രാഗണ് ക്രൂ പേടകം കാലിഫോര്ണിയയിലെ സാന് ഡിയേഗോയുടെ തീരത്തോടടുത്ത് പസിഫിക് സമുദ്രത്തില് സുരക്ഷിതമായി തിരിച്ചിറങ്ങിയത്.നാസയുടെ ബഹിരാകാശയാത്രികരായ ആന് മക്ലെയിന്, നിക്കോള് അയേഴ്സ്, ജപ്പാന് എയ്റോസ്പേസ് എക്സ്പ്ലോറേഷന് ഏജന്സിയുടെ ബഹിരാകാശയാത്രികന് തകുയ ഒനിഷി, റഷ്യയുടെ റോസ്കോസ്മോസ് ബഹിരാകാശയാത്രികന് കിറില് പെസ്കോവ് എന്നിവരാണ് ഭൂമിയിലേക്ക് മടങ്ങിയെത്തിയത്.
പുതിയ ക്രൂ 11 ദൗത്യസംഘം ഐഎസ്എസില് എത്തിയശേഷമാണ് ക്രൂ 10 ദൗത്യം ഭൂമിയിലേക്കുള്ള യാത്ര തുടങ്ങിയത്.
