പാലക്കാട്:കണ്ണിന് പരിക്കേറ്റ കൊമ്പന് പിടി 5നെ മയക്കുവെടി വച്ച് പിടികൂടി ചികിത്സ നല്കി. കണ്ണില് മരുന്ന് വച്ച് കെട്ടിയ ശേഷം കൊമ്പനെ കാട്ടില് തിരികെ വിട്ടു.
റേഡിയോ കോളര് ഘടിപ്പിച്ചാണ് കൊമ്പനെ കാട്ടില് തിരികെ വിട്ടത്. ഇനിയുളള ദിവസങ്ങളില് ആനയെ നിരീക്ഷിക്കും.
ഫോറസ്റ്റ് ചീഫ് വെറ്റിനറി സര്ജന് ഡോ.അരുണ് സക്കറിയയുടെ നേതൃത്വത്തിലാണ് ആനയെ മയക്കു വെടിവച്ചത്. ദൗത്യത്തിനായി മുത്തങ്ങയില് നിന്ന് വിക്രം, ഭരത് എന്നീ കുങ്കി ആനകളെ എത്തിച്ചിരുന്നു.ദൗത്യം നടക്കുന്നതിനാല് മലമ്പുഴ – കഞ്ചിക്കോട് റോഡില് ഗതാഗത നിരോധനം ഏര്പ്പെടുത്തിയിരുന്നു.
