കോഴിക്കോട്: പേരാമ്പ്ര കൂത്താളിയില് പത്മാവതി അമ്മ (65) കൊല്ലപ്പെട്ടതാണെന്ന് പൊലീസ്.മകന് ലിനീഷി(42)നെ പൊലീസ് കസ്റ്റഡിയില് എടുത്തു.
മദ്യ ലഹരിയില് അമ്മയുടെ സ്വര്ണം ആവശ്യപ്പെട്ടുള്ള തര്ക്കത്തിനിടെ ലിനീഷ് പത്മാവതി അമ്മയെ മര്ദിക്കുകയായിരുന്നു. ആഗസ്റ്റ് 5 ന് ആയിരുന്നു സംഭവം.
അമ്മ ബോധം ഇല്ലാതെ കിടക്കുന്നത് കണ്ട് ആശുപത്രിയില് എത്തിക്കുകയായിരുന്നു എന്നാണ് സംഭവ ദിവസം പ്രതി പൊലീസിനോട് പറഞ്ഞത്.പേരാമ്പ്രയിലെ പ്രാഥമിക ചികിത്സക്ക് ശേഷം കോഴിക്കോട് മിംസ് ആശുപത്രിയില് വച്ചാണ് പത്മാവതി അമ്മ മരിച്ചത്.
പോസ്റ്റ്മോര്ട്ടം റിപ്പോര്ട്ടിലെ സൂചനകളില് പ്രതിയെ തെളിവുകള് നിരത്തി പേരാമ്പ്ര പൊലീസ് ചോദ്യം ചെയ്തപ്പോഴാണ് കൊലപാതകമാണെന്ന് സമ്മതിച്ചത്.
മദ്യപിച്ചു വീട്ടില് എത്തിയ ലിനീഷ് പത്മാവതി അമ്മയുമായി സ്വര്ണഭരണത്തെ ചൊല്ലി തര്ക്കത്തില് ഏര്പ്പെടുന്നതിനിടെ മര്ദിച്ചു. മര്ദനത്തിനിടെ ഇടികൊണ്ട് തലയില് രക്തം കട്ടപിടിക്കുകയും ആന്തരിക രക്തസ്രാവം ഉണ്ടാകുകയും ചെയ്തതാണ് മരണ കാരണം.
