ബെംഗളൂരു: തെരഞ്ഞെടുപ്പില് ജയിച്ചത് വോട്ടെടുപ്പില് ക്രമക്കേട് നടത്തിയതിലൂടെയെന്ന് തുറന്നു പറഞ്ഞ് കര്ണാടക ആഭ്യന്തര മന്ത്രി ജി. പരമേശ്വര കോണ്ഗ്രസിനെ വെട്ടിലാക്കി.
മന്ത്രിനടത്തിയ പ്രസ്താവനയുടെ വിഡിയോ ദൃശ്യങ്ങളാണ് സമൂഹ മാധ്യമങ്ങളില് പ്രചരിക്കുന്നത്.
ബാലറ്റു പേപ്പറില് തുടര്ച്ചയായി സീലടിച്ച് പെട്ടയിലിട്ടാണ് നാം ജയിച്ചിരുന്നത് എന്നാണ് പരമേശ്വര പറയുന്നത്. ഇലക്ട്രോണിക് വോട്ടിങ് മെഷിനെക്കുറിച്ച് പ്രതിപക്ഷ നേതാവ് രാഹുല് ഗാന്ധി തുടര്ച്ചയായി ആരോപണമുന്നയിക്കുന്നത് എന്തിനെന്ന് മനസിലായി എന്ന അടിക്കുറിപ്പോടെ ഈ വീഡിയോ വ്യാപകമായി പ്രചരിക്കുന്നുണ്ട്.
സാധാരണക്കാരെ വിഡ്ഢികളാക്കുന്ന ഇത്തരം തുറന്ന പ്രസ്താവനകള് നടത്തുമ്പോള്ത്തന്നെ കോണ്ഗ്രസ് മറ്റു പാര്ട്ടികളെ കുറ്റപ്പെടുത്തുന്നത് ധാര്മികത ഇല്ലായ്മയാണെന്ന് സംസ്ഥാന ബിജെപി അധ്യക്ഷന് ബി. വൈ. വിജയേന്ദ്ര പറഞ്ഞു.മഹാരാഷ്ട്ര, കര്ണാടക സംസ്ഥാനങ്ങളില് വോട്ട് മോഷണം നടന്നതായി രാഹുല് ആരോപിച്ചിട്ടുണ്ട്. കേന്ദ്രസര്ക്കാരിനെയും രാജ്യത്തെ തെരഞ്ഞെടുപ്പ് വ്യവസ്ഥയെയും അപകീര്ത്തിപ്പെടുത്തുകയാണ് ഇതുവഴി രാഹുല് ലക്ഷ്യമാക്കുന്നത്. ഒരിക്കലും ഇതൊന്നും അംഗീകരിക്കപ്പെടരുത്. തെരഞ്ഞെടുപ്പ് കഴിഞ്ഞ് ഒരു വര്ഷം കഴിയുമ്പോഴാണ് രാഹുല് ആരോപണം ഉന്നയിച്ചത്. ഇത്രയും നാള് അദ്ദേഹം ഇക്കാര്യം ഉന്നയിച്ചില്ല.
രാഷ്ട്രീയത്തിലും മാധ്യമങ്ങള്ക്ക് മുന്പിലും എപ്പോഴും തിളങ്ങി നില്ക്കാനുള്ള അദ്ദേഹത്തിന്റെ അടവുകള് മാത്രമാണ് ഇതെന്ന് വിജയേന്ദ്ര കുറ്റപ്പെടുത്തി.
