കൊച്ചി/മുംബൈ : ജിയോ ഫിനാന്ഷ്യല് സര്വീസസ് ലിമിറ്റഡും (JFSL) ബ്ലാക്ക്റോക്കും തമ്മിലുള്ള 50:50 സംയുക്ത സംരംഭമായ ജിയോ ബ്ലാക്ക്റോക്ക് അസറ്റ് മാനേജുമെന്റ് പ്രൈവറ്റ് ലിമിറ്റഡ്, ആദ്യത്തെ അഞ്ചു ഇന്ഡക്സ് ഫണ്ടുകള് അവതരിപ്പിച്ച് ന്യൂ ഫണ്ട് ഓഫറിംഗ് (എന്എഫ്ഒ) പ്രഖ്യാപിച്ചു.
എന്എഫ്ഒ 2025 ഓഗസ്റ്റ് 5 ന് ആരംഭിച്ച് ഓഗസ്റ്റ് 12 ന് അവസാനിക്കും.
നിഫ്റ്റി 50 ഇന്ഡക്സ് ഫണ്ട്, നിഫ്റ്റി നെക്സ്റ്റ് 50 ഇന്ഡക്സ് ഫണ്ട്, നിഫ്റ്റി 8-13 വര്ഷം ജി-സെക് ഇന്ഡക്സ് ഫണ്ട് തുടങ്ങിയവ ഉള്പ്പെടെ അഞ്ചു ഇന്ഡക്സ് ഫണ്ടുകളാണ് ഈ എന്എഫ്ഒയിലുള്പ്പെടുന്നത്.
ഇത് ഇന്ത്യന് നിക്ഷേപകര്ക്ക് ഡിജിറ്റല് സഹായത്താല് വൈവിധ്യമാര്ന്ന, ചെലവുകുറഞ്ഞ, വിശ്വസനീയവും സുതാര്യവുമായ നിക്ഷേപ പരിഹാരങ്ങള് നല്കുന്നതിനുളള കമ്പനിയുടെ ലക്ഷ്യത്തിന്റെ ഭാഗമാണ്.
പുതുതായി നിക്ഷേപിക്കാനെത്തുന്നവര്ക്കും നിലവിലെ പോര്ട്ട്ഫോളിയോ കൂടുതല് വ്യാപിപ്പിക്കാന് ആഗ്രഹിക്കുന്ന പരിചയസമ്പന്നരായ നിക്ഷേപകര്ക്കും ഈ ഫണ്ടുകള് ലളിതവും ചെലവുകുറഞ്ഞതുമായ നിക്ഷേപ പരിഹാരങ്ങള് നല്കും.
