വാഷിംഗ്ടണ്: ഹരേ കൃഷ്ണ പ്രസ്ഥാനത്തിന്റെ (ഇസ്കോണ്) സ്ഥാപകനായ സ്വാമി പ്രഭുപാദയുടെ ക്ഷേത്രമായ പാലസ് ഓഫ് ഗോള്ഡിലേക്കുള്ള യാത്രക്കിടെ കാണാതായ ന്യൂയോര്ക്കില് നിന്നുള്ള ഇന്ത്യന് വംശജരായ നാല് വയോധികര് വാഹനാപകടത്തില് മരിച്ചതായി സ്ഥിരീകരിച്ചു. ആശ ദിവാന് (85), കിഷോര് ദിവാന് (89), ശൈലേഷ് ദിവാന് (86), ഗീത ദിവാന് (84) എന്നിവരാണ് മരിച്ചത്. വെസ്റ്റ് വെര്ജീനിയയിലെ മാര്ഷല് കൗണ്ടിയിലുള്ള ബഫല്ലോയില് നിന്ന് പാലസ് ഓഫ് ഗോള്ഡിലേയ്ക്ക് പോവുകയായിരുന്നു ഇവര്. ബിഗ് വീലിംഗ് ക്രീക്ക് റോഡിലെ പാറക്കെട്ടില് നിന്ന് ഇവരുടെ മൃതദേഹങ്ങളും വാഹനവും കണ്ടെത്തിയതായി മാര്ഷല് കൗണ്ടി ഷെരീഫ് അറിയിച്ചു.
ബര്ഗര് കിംഗില് നിന്നുള്ള സിസിടിവിയില് ഇവരില് രണ്ടുപേര് റെസ്റ്റോറന്റിലേക്ക് കയറുന്ന ദൃശങ്ങള് ലഭിച്ചിരുന്നു. അവസാന ക്രെഡിറ്റ് കാര്ഡ് ട്രാന്സാക്ഷനും ഇതേ സ്ഥലത്തുനിന്നാണെന്നും കണ്ടെത്തി. തുടര്ന്നു നടത്തിയ അന്വേഷണത്തിലാണ് ഇവര് വാഹനാപകടത്തില് മരിച്ച നിലയില് കണ്ടെത്തിയത്.
