തിരുവനന്തപുരം: വിഴിഞ്ഞത്ത് മദ്യപാനത്തിനിടയുണ്ടായ തര്ക്കത്തില് സുഹൃത്തിന്റെ അടിയേറ്റയാള് മരിച്ചു. ചൊവ്വര അമ്പലത്തുംമൂല ഷൈനി ഹൗസില് തീര്ത്ഥപ്പന്(57) ആണ് മരിച്ചത്. സുഹൃത്ത് അലോഷ്യസിനൊപ്പം മദ്യപിക്കുന്നതിനിടെ ഇരുവരും തമ്മില് തര്ക്കമുണ്ടായിരുന്നു. തുടര്ന്ന് അലോഷ്യസിന്റെ അടിയേറ്റ് തീര്ത്ഥപ്പന് തലയടിച്ച് വീഴുകയായിരുന്നെന്ന് പൊലീസ് പറയുന്നു. സംഭവ ദിവസം ചികില്സ തേടാതിരുന്ന ഇയാളെ ആരോഗ്യനില വഷളായതോടെ ബന്ധുക്കള് സമീപത്തെ ആശുപത്രിയില് എത്തിക്കുകയായിരുന്നു. തുടര്ന്ന് തിരുവനന്തപുരം മെഡിക്കല് കോളേജ് ആശുപത്രിയിലേക്ക് മാറ്റിയെങ്കിലും രക്ഷിക്കാനായില്ല. അലോഷ്യസിനെതിരെ കൊലക്കുറ്റം ചുമത്തി പൊലീസ് കേസെടുത്തെങ്കിലും അയാള് ഒളിവിലാണ്. അന്വേഷണം ആരംഭിച്ചതായി വിഴിഞ്ഞം പൊലീസ് അറിയിച്ചു.
