കാട്ടാക്കട: മലയൻകീഴിൽ നമോ സേവാ കേന്ദ്രം സംഘടിപ്പിച്ച വിദ്യാഭ്യാസ എക്സലൻസ് അവാർഡ് വിതരണ ചടങ്ങ് കേന്ദ്ര ഫിഷറീസ്-ന്യൂനപക്ഷകാര്യ വകുപ്പ് മന്ത്രി ജോർജ് കുര്യൻ ഉദ്ഘാടനം ചെയ്തു. വിദ്യാർത്ഥികളുടെ കരിയർ വികസനത്തിൽ അധ്യാപകരുടെയും സ്കൂളിന്റെയും സംഭാവനയെ മന്ത്രി പ്രശംസിച്ചു.
പി. കെ. കൃഷ്ണദാസ് അധ്യക്ഷനായ പരിപാടിയിൽ പങ്കജകസ്തൂരി ഡയറക്ടർ ഡോ. ജെ. ഹരീന്ദ്രൻ നായർ, ഗുഡ് ഷെപ്പേർഡ് ഇൻസ്റ്റിറ്റ്യൂഷൻസ് മാനേജിംഗ് ഡയറക്ടർ ടോജോ ജോൺ തുടങ്ങിയവർ പങ്കെടുത്തു .
വിവിധ മേഖലകളിൽ മികവ് പുലർത്തിയ ആയിരത്തോളം വിദ്യാർത്ഥികൾക്ക് ചടങ്ങിൽ അവാർഡുകൾ വിതരണം ചെയ്തു. മികച്ച പ്രകടനം കാഴ്ചവെച്ച സ്കൂളുകളെയും അധ്യാപകരെയും ചടങ്ങിൽ ആദരിച്ചു.
