ഇടുക്കി: പൊന്മുടി അണക്കെട്ടിന്റെ ഷട്ടര് തുറന്നു. ജലനിരപ്പ് ഉയര്ന്നതോടെ ഡാമിന്റെ രണ്ടാമത്തെ ഷട്ടറാണ് 20 സെ.മി ഉയര്ത്തിയത്.പന്നിയാര് പുഴയിലേക്കാണ് വെള്ളം തുറന്ന് വിട്ടത്.
പുഴയുടെ തീരത്ത് താമസിക്കുന്നവര് ജാഗ്രത പാലിക്കണമെന്ന് ജില്ലാ കളക്ടര് നിര്ദേശിച്ചു. സെക്കന്റില് 15000 ലിറ്റര് വെള്ളമാണ് പുറത്തേക്ക് ഒഴുക്കുന്നത്.ബാണാസുര സാഗര് അണക്കെട്ടും തുറന്നിട്ടുണ്ട്. അണക്കെട്ടിന്രെ വ്യഷ്ടിപ്രദേശത്ത് മഴ തുടരുന്നതിനാല് സ്പില്വെ ഷട്ടര് 30 സെന്റീ മീറ്ററാണ് ഉയര്ത്തിയത്. കരമാന് തോട്, പനമരം പുഴയോരങ്ങളിലും താഴ്ന്ന പ്രദേശങ്ങളിലും താമസിക്കുന്നവര് ജാഗ്രത പാലിക്കണമെന്നാണ് നിര്ദേശം.
അതിനിടെ, സംസ്ഥാനത്ത് ശക്തമായ മഴ തുടരുന്നു.കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര് ജില്ലകളില് ഓറഞ്ച് ജാഗ്രതയാണ് പ്രഖ്യാപിച്ചിരിക്കുന്നത്. ശനിയാഴ്ചയും എല്ലാ ജില്ലകളിലും മഴ മുന്നറിയിപ്പുണ്ട്. ശനിയാഴ്ച മലപ്പുറം, പാലക്കാട്, തൃശൂര്, എറണാകുളം, കോട്ടയം, ഇടുക്കി, പത്തനംതിട്ട, ജില്ലകളില് ഓറഞ്ച് ജാഗ്രതയാണ് .മറ്റെല്ലാ ജില്ലകളിലും മഞ്ഞ ജാഗ്രതയാണ്.മണിക്കൂറില് 60 കിലോ മീറ്റര് വരെ വേഗതയില് കാറ്റിനും സാധ്യതയുണ്ട്. കേരളാ തീരത്ത് മത്സ്യബന്ധനത്തിനും വിലക്കുണ്ട്.
