തിരുവനന്തപുരം:അന്തരിച്ച മുന് മുഖ്യമന്ത്രി വി.എസ്.അച്യുതാനന്ദന്റെ മൃതദേഹം എകെജി പഠനഗവേഷണ കേന്ദ്രത്തില് പൊതുദര്ശനത്തിനെത്തിച്ചു.പട്ടത്തെ ആശുപത്രിയില് നിന്ന് പുറത്തെത്തിച്ച മൃതദേഹം മുഖ്യമന്ത്രി പിണറായി വിജയനും സിപിഎം ജനറല് സെക്രട്ടറി എം.എ. ബേബിയും ചേര്ന്ന് ഏറ്റുവാങ്ങി.
എസ്യുടി ആശുപത്രിയില് നിന്ന് ആംബുലന്സില് എകെജി സെന്ററില് മൃതദേഹം എത്തിക്കുമ്പോഴേക്കും പരിസരം ജനനിബിഡമായിരുന്നു.ഇവിടെ പൊതുദര്ശനത്തിന് ശേഷം മൃതദേഹം തിരുവനന്തപുരത്തെ വസതിയിലേക്ക് കൊണ്ടുപോകും.
എകെജി പഠനകേന്ദ്രത്തിന് മുന്നില് ഒഴുകിയെത്തിയ ജനം ‘കണ്ണേ കരളേ വിഎസേ, ഇല്ലാ ഇല്ലാ മരിക്കുന്നില്ല’ തുടങ്ങിയ മുദ്രാവാക്യങ്ങള് മുഴക്കി. മൃതദേഹം ചൊവ്വാഴ്ച രാവിലെ എട്ടിന് ദര്ബാര് ഹാളില് പൊതുദര്ശനത്തിന് വെച്ചശേഷം ഉച്ചയോടെ ആലപ്പുഴയിലേക്ക് കൊണ്ടുപോകും. ബുധനാഴ്ച രാവിലെ ആലപ്പുഴജില്ലാ കമ്മിറ്റി ഓഫീസിലെ പൊതുദര്ശനത്തിന് ശേഷം വൈകിട്ട്
വലിയ ചുടുകാട്ടില് സംസ്കാരം നടത്തും.
