ആലപ്പുഴ : മുസ്ലീം സമുദായം സര്ക്കാരിനെ സമമര്ദ്ദത്തിലാക്കി അനധികൃത ആനുകൂല്യങ്ങള് നേടുന്നുന്നുവെന്ന് പറഞ്ഞത് വിവാദമായതിനെ തുടര്ന്ന് വിശദീകരണവുമായി എസ് എന് ഡി പി യോഗം ജനറല് സെക്രട്ടറി വെള്ളാപ്പള്ളി നടേശന്.
തന്നെ വേട്ടയാടുന്ന സ്ഥിതി വിശേഷം നിലനില്ക്കുന്നുണ്ട്. കാന്തപുരം എന്ത് കുന്തമെടുത്ത് എറിഞ്ഞാലും പറയാനുള്ളത് താന് പറയും. തനിക്ക് ഒരു രാഷ്ട്രീയ മോഹവും ഇല്ലെന്നും അദ്ദേഹം പറഞ്ഞു.
എസ്എന്.ഡി.പി യോഗം കൊച്ചി യൂണിയന് ജനറല് സെക്രട്ടറി സ്ഥാനത്ത് 30 വര്ഷം പൂര്ത്തിയാക്കിയ വെള്ളാപ്പള്ളി നടേശന് ആദരവ് നല്കുന്ന ചടങ്ങിലായിരുന്നു പരാമര്ശം.
മതപണ്ഡിതന്മാര് ഭരണത്തില് ഇടപെടുന്നു.സര്ക്കാര് എന്ത് ചെയ്താലും കാന്തപുരം ഉള്പ്പെടെ മതനേതാക്കള് ഇടപെടുന്നു. സര്ക്കാര് നല്ലകാര്യം ചെയ്യുമ്പോഴും അത് തകര്ക്കുമെന്ന് മതനേതാക്കള് വെല്ലുവിളിക്കുന്നു. താന് പറഞ്ഞത് മുസ്ലിം സമുദായത്തിന് എതിരല്ല, സമുദായത്തെ ആക്ഷേപിച്ചുവെന്ന വ്യാഖ്യാനമുണ്ടാക്കുകയാണ്.
ഓണത്തിനും വിഷുവിനും തന്നെ വന്ന് കണ്ട് കൈനീട്ടം വാങ്ങുന്ന മുസ്ലിങ്ങളുണ്ട്. തന്നെ കത്തിച്ചാല് പോലും അഭിപ്രായത്തില് നിന്ന് പുറകോട്ടില്ല. തീയില് കുരുത്തവനാണ് താന്. എസ് എന് ഡി പി കസേരയില് ഇരുന്നിട്ട് മറ്റു കസേരയില് പോകാന് ആഗ്രഹമില്ലെന്നും വെളളാപ്പളി പറഞ്ഞു.സമുദായത്തിന് വേണ്ടി പറയുക എന്നത് എന്റെ കടമയെന്നും വെള്ളപ്പള്ളി പറഞ്ഞു.
ഇപ്പോള് പിണറായി ഉണ്ട്, ഇനി ഒരാള് ഈഴവനില് നിന്ന് മുഖ്യമന്ത്രി ആകാന് സാധ്യത കുറവാണ്. യഥാര്ത്ഥ വര്ഗീയ വാദി മുസ്ലീം ലീഗ് അല്ലേ. പേരില് തന്നെ വര്ഗീയതയില്ലേ? എന്തെങ്കിലും പറഞ്ഞാല് താന് വര്ഗീയ വാദി ആവുന്നുവെന്നും വെള്ളപ്പള്ളി പറഞ്ഞു.
