ചെന്നൈ: എംജിആറിനു ബദലായി കലൈഞ്ജര് കരുണാനിധി തമിഴ് സിനിമാരംഗത്തിറക്കിയ മകന് എം.കെ. മുത്തു(77) അന്തരിച്ചു.തമിഴ്നാട് മുഖ്യമന്ത്രി എം കെ സ്റ്റാലിന്റെ അര്ദ്ധസഹോദരനാണ്. കരുണാനിധിക്ക് ആദ്യ ഭാര്യ പത്മാവതിയിലുണ്ടായ മകനാണ് മുത്തൂ.മുത്തുവിന്റെ ജനനശേഷം ക്ഷയരോഗംബാധിച്ചാണ് 20 വയസ്സുള്ളപ്പോള് പത്മാവതി മരിക്കുന്നത്.
1970 ല് പിള്ളൈയോ പിള്ളൈ, അനയെവിളക്ക് തുടങ്ങിയ ചിത്രങ്ങളിലൂടെയാണ് നായകനടനായി മുത്തുവിനെ കരുണാനിധി രംഗത്തിറക്കിയത് . എം ജി ആറിനോടുള്ള ശത്രുത മൂലം അദ്ദേഹത്തോടുസമാനമായ വേഷവിധാനങ്ങളിലും ഹെയര്സ്റ്റൈലിലുമാണ് ചലച്ചിത്ര കുലപതികൂടിയായിരുന്നു കരുണാനിധി മുത്തുവിനെ അവതരിപ്പിച്ചത്. അഭിനയിച്ച സിനിമകളിലെ ഗാനങ്ങള്ക്ക് ശബ്ദം നല്കിയതും മുത്തു തന്നെയായിരുന്നു. നടനും ഗായകനുമെന്ന നിലയ്ക്ക് ശ്രദ്ധിക്കപ്പെട്ടുവെങ്കിലും പിതാവുമായുള്ള അഭിപ്രായവ്യത്യാസങ്ങള് മൂലം 2008 നുശേഷം ചലച്ചിത്രരംഗത്ത് നിന്ന് പിന്വാങ്ങി. ജയലളിതയുടെ അണ്ണാ ഡിഎംകെയില് ചേര്ന്നതോടെ പിതാവും മകനുമായുള്ള ബന്ധങ്ങള് വഷളായി. എങ്കിലുംപില്ക്കാലത്ത് ഗുരുതരമായ ആരോഗ്യപ്രശ്നങ്ങള് നേരിട്ട മുത്തുവുമായി കരുണാനിധി അനുരഞ്ജനത്തിലായിരുന്നു. തമിഴ് യുവ നടന് അരുള്നിധി മകനാണ്.
കരുണാനിധിയുടെ മകനും നടനുമായിരുന്ന എം.കെ. മുത്തു അന്തരിച്ചു, വിടവാങ്ങിയത് ചലച്ചിത്രലോകത്തെ ‘ബദല് എംജിആര്’
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.