പട് ന: ബീഹാറിലെ ജനങ്ങള്ക്ക് 125 യൂണിറ്റ് സൗജന്യ പദ്ധതി പ്രഖ്യാപിച്ച് മുഖ്യമന്ത്രി നിതീഷ് കുമാര്. ഏകദേശം 1.67 കോടി കുടുംബങ്ങള്ക്കാണ് ഇതിന്റെ ഗുണഫലം ലഭിയ്ക്കുക. ഇതോടെ നിതീഷ് കുമാറിനെതിരെ ഇല്ലാത്ത കുറ്റങ്ങള് ചാര്ത്തി നിയമസഭാ തെരഞ്ഞെടുപ്പില് പ്രചാരണം കൊഴുപ്പിച്ച രാഹുല് ഗാന്ധിയ്ക്കും ലാലുപ്രസാദ് യാദവിനും തേജസ്വി യാദവിനും ഇത് വലിയ ആഘാതമായിരിക്കുകയാണ്. 2025 നവമ്പറിലാണ് ബീഹാറില് നിയമസഭാ തെരഞ്ഞെടുപ്പ് നടക്കാന് പോകുന്നത്.
जिनके मन में सच्चाई है, वो चुपचाप अपने काम में जुटे हैं और जिन्हें केवल झूठा प्रचार करना है वो खुद की पीठ थपथपा रहे हैं, दूसरों के कामों को भी अपना बता रहे हैं।#VikashVSVinash #CreditChorTejashwi #FarkSaafHai#BiharWithNitish pic.twitter.com/CG9fkFmLll
— Janata Dal (United) (@Jduonline) July 15, 2025
നിതീഷിന്റെ ഈ പൂഴിക്കടകന് മുന്പില് ആയുധങ്ങളില്ലാതെ തളര്ന്നിരിക്കുകയാണ് പ്രതിപക്ഷം. ആഗസ്ത് ഒന്ന് മുതല് വീട്ടുപയോഗത്തിന് വൈദ്യുതി ഉപയോഗിക്കുന്നവര്ക്ക് 125 യൂണിറ്റ് വൈദ്യുതി സൗജന്യമായി ലഭിക്കുമെന്ന് നിതീഷ് കുമാര് എക്സ് എന്ന സമൂഹമാധ്യമത്തില് പങ്കുവെച്ച സന്ദേശത്തില് അറിയിക്കുകയായിരുന്നു. അതായ് ജൂലായ് മാസത്തിലെ ബില്ല് മുതല് ഈ സൗജന്യ വൈദ്യുതപദ്ധതി ബാധകമായിരിക്കും.
ജാതി പറഞ്ഞും വര്ഗ്ഗീയതപറഞ്ഞും ലക്ഷക്കണക്കിന് ബംഗ്ലാദേശികള്, നേപ്പാളികള്, രോഹിംഗ്യകള് എന്നിവരെ വോട്ടര്പട്ടികളയില് ചേര്ത്തി തെരഞ്ഞെടുപ്പ് ഫലം അട്ടിമറിക്കാന് ശ്രമിച്ച ലാലുപ്രസാദ് യാദവിനും തേജസ്വി യാദവിനും നിതീഷ് കുമാറിന്റെ ഈ നീക്കം വലിയ തിരിച്ചടിയായി. തെരഞ്ഞെടുപ്പിന് മുന്നോടിയായുള്ള ഈ ക്ഷേമപദ്ധതിപ്രഖ്യാപനത്തോെടെ നിതീഷ്-ബിജെപി സഖ്യത്തിന് ജയം ഉറപ്പായെന്ന് രാഷ്ട്രീയ നിരീക്ഷകര് വിലയിരുത്തുന്നു. ഈ തിരഞ്ഞെടുപ്പില് ജനങ്ങള്ക്ക് ക്ഷേമം പകരുന്ന വികസന രാഷ്ട്രീയമാണ് നിതീഷ്കുമാര് പ്രഖ്യാപിച്ചിരിക്കുന്നത്.
243 പേരുളള ബീഹാര് നിയമസഭയില് ഇപ്പോള് 131 സീറ്റുകളാണ് എന്ഡിഎക്കുള്ളത്. ബിജെപി (80), ജെഡിയു (45), എച്ച് എഎം (എസ് ) 4, സ്വതന്ത്രര് 2 എന്നിങ്ങനെയാണ് ഭരണപക്ഷത്തെ എംഎല്എമാര്. ഇന്ത്യാ ബ്ലോക്കിന് 111 എംഎല്എമാരുണ്ട്. ആര്ജെഡി (77), കോണ്ഗ്രസ് 19, സിപിഐ (എംഎല്) 11, സിപിഎം2, സിപിഐ2 എന്നിങ്ങനെയാണ് പ്രതിപക്ഷ എംഎല്എമാര്.
