തിരുവനന്തപുരം: ഡയറക്ടറേറ്റ് ഓഫ് സ്പോര്ട്സ് ആന്ഡ് യൂത്ത് അഫയേഴ്സിന്റെയും സ്പോര്ട്സ് കേരള ഫൗണ്ടേഷന്റെയും നേതൃത്വത്തില് സംഘടിപ്പിക്കുന്ന കോളേജ് സ്പോര്ട്സ് ലീഗിന്റെ ആദ്യ സീസണ് ജൂലൈ 18ന് ആരംഭിക്കും.
സംസ്ഥാനത്തെ കോളേജുകളെ കേന്ദ്രീകരിച്ച് രാജ്യത്ത് ആദ്യമായി നടക്കുന്ന കോളേജ് സ്പോര്ട്സ് ലീഗെന്ന പ്രത്യേകതയുണ്ട്.
ഉദ്ഘാടന സീസണില് ഫുട്ബോള്, വോളിബോള് എന്നീ കായിക ഇനങ്ങളിലാണ് ലീഗ് മത്സരങ്ങള് നടക്കുക. വരും വര്ഷങ്ങളില് ക്രിക്കറ്റ്, ബാസ്കറ്റ്ബോള്, കബഡി തുടങ്ങിയ കൂടുതല് ഇനങ്ങള് ഉള്പ്പെടുത്തി ലീഗ് വിപുലീകരിക്കാനാണ് സംഘാടകര് ലക്ഷ്യമിടുന്നത്. 17 മുതല് 26 വരെ കാലിക്കറ്റ് സര്വകലാശാല കാമ്പസില് നടക്കുന്ന ഫുട്ബോള് ലീഗ് മത്സരങ്ങളോടെയാണ് ഉദ്ഘാടന സീസണിലെ പോരാട്ടങ്ങള്ക്ക് തുടക്കമാകുന്നത്.
സംസ്ഥാനത്തെ യുജിസി അംഗീകൃത കോളജുകളില് നിന്നുള്ള ടീമുകള് ഫുട്ബോള് ലീഗില് പങ്കെടുക്കും. മുന് പ്രകടനവും മികവും ഉള്പ്പെടെയുള്ള മാനദണ്ഡങ്ങളുടെ അടിസ്ഥാനത്തിലാണ് ടീമുകളെ തിരഞ്ഞെടുത്തത്. അടുത്ത മാസം എംജി സര്വകലാശാല കാമ്പസില് വോളിബോള് ലീഗ് മത്സരങ്ങള് നടക്കും.
