കാലടി : സംസ്ഥാനത്തെ വിവിധ പോലീസ് സ്റ്റേഷനുകളിലെ നിരവധി കേസുകളിലെ പ്രതി പോലീസ് പിടിയിൽ. കൊല്ലം ഭൂതംകുളം ഉളിയനാട് കുളത്തൂർകോണം നന്ദു ഭവനത്തിൽ ബാബു (60) വിനെയാണ് കാലടി പോലീസ് പിടികൂടിയത്.
ഞായറാഴ്ച വൈകിട്ട് കാലടി ജംഗ്ഷന് സമീപമുള്ള ജ്വല്ലറിയുടെ മുൻവശം പാർക്കിംഗ് ഏരിയയിൽ നിന്ന് സ്കൂട്ടർ മോഷണം പോയിരുന്നു. കൈപ്ര സ്വദേശിനിയുടെ 75000 രൂപ വില വരുന്ന സ്കൂട്ടറായിരുന്നു. പരാതി ലഭിച്ചതിനെ തുടർന്ന് നടത്തിയ അന്വേഷണത്തിലാണ് ബാബു പിടിയിലാകുന്നത്. മോഷണം ചെയ്തെടുത്ത സ്കൂട്ടർ ഓടിച്ചു വരുന്ന വഴി മൂവാറ്റുപുഴ പേഴയ്ക്കാപ്പിള്ളി ഭാഗത്ത് നിന്നാണ് ഇയാൾ പിടിയിലായത്.
അന്വേഷണ സംഘത്തിൽ ഇൻസ്പെക്ടർ അനിൽകുമാർ റ്റി മേപ്പിള്ളി, എസ്. ഐ ജോസി എം ജോൺസൻ, എ എസ് ഐ എം.പി. ജിൻസൻ, എസ് സി പി ഒ റ്റി. എൻ . മനോജ് കുമാർ, സി പി ഒ കെ.ആർ. ധനേഷ് എന്നിവരാണ് ഉണ്ടായിരുന്നത്,
